¡Ejúna nekyreʼỹ hag̃ua!

1. Ko múndo koʼág̃a iñypytũmba

ha mbaʼevete ndohechái;

ñande jaservíva Jehovápe katu

ñande raperã omimbi.

Ñane rreunionhápe ñanekyreʼỹ,

ñande jerovia imbarete.

Ñande Ru Jehová ñanerekomboʼe,

vyʼa ha torýpe jaiko.

Hiʼag̃uimbaitéma pe ára paha

upévare tekotevẽ

ñane rreunionhápe jahajoaite,

Jehová renondépe ñaime.

2. Oiméramo nde ñembyasýpe reiko

ha ndeahoʼi vyʼaʼỹ,

Jehová siervokuéra nemokyreʼỹ;

akóinte nde ykére oĩ.

Umi ansianokuéra nerekomboʼe,

ojepyʼapy nderehe.

Rreuniónpe rejúvo ikatu retopa

tuicha kyreʼỹ ha vyʼa.

Ani reheja mbaʼeve ndejoko

Jehovápe reservi hag̃ua;

ha péicha maymáva ikatúta jaiko

torýpe oñondivepa.