PURAHÉI 107
Ñandejára ñanemboʼe japorohayhu hag̃ua
Edisión imprésa
1. Jehová ñande Ru ñanderayhuetéva
oipota jasegi
pe ehémplo porã haʼe ohejáva
ha jajoayhu enterove.
Haʼe omeʼẽ ñanderehehápe
Itaʼyrami haʼe ohayhuetéva,
ha ñandepeʼa pekádo poguýgui.
¡Ojekuaa ñanderayhuha!
2. Oimérõ jaha ñande Ru rapére
jajoayhu añete.
Ñañeinteresa ñande rapicháre,
ha avei jajoajuda.
Oimérõ ñande ndajajoayhuvéima
ndaikatumoʼãi jahayhu Jehovápe.
Ñaperdonami oĩrõ ofalláva
ha jasegi siémpre jajoayhu.
3. Jehová oipuru pe espíritu sánto
ha Iñeʼẽ omeʼẽ
jaikuaa hag̃ua haʼe omboʼéva:
“Pe mborayhu ñaneuni”.
Upéicha rupi entéro oikuaáta
ñande haʼeha peteĩ família,
ha ñamombeʼu enterovetépe
pe mborayhu Jehovágui ouha.
(Ehecha avei Rom. 12:10; Efes. 4:3; 2 Ped. 1:7).