VIVLIOTÉKA OĨVA INTERNÉTPE Watchtower
Watchtower
VIVLIOTÉKA OĨVA INTERNÉTPE
guarani
ã
  • ã
  • ẽ
  • ĩ
  • õ
  • ũ
  • ỹ
  • g̃
  • ʼ
  • ñ
  • BIBLIA
  • PUVLIKASIONKUÉRA
  • RREUNIONKUÉRA
  • lvs kap. 4 páh. 45-59
  • ¿Mbaʼérepa jarrespeta vaʼerã umi ñanemoakãvape?

Ko párte ndorekói gueteri ni peteĩ vidéo.

Rombyasyeténgo, péro ndaikatúi ojehechauka ko vidéo.

  • ¿Mbaʼérepa jarrespeta vaʼerã umi ñanemoakãvape?
  • Jasegíkena jaiko Ñandejára mborayhúpe
  • Elee: ‘Ñandejára mborayhu’
  • Subtítulo
  • Informasión oñeʼẽva avei ko témare
  • ¿MBAʼÉREPA IJETUʼU JEPI JASEGI UMI GÍA HA KONSÉHO?
  • ¿MBAʼÉREPA JARRESPETA VAʼERÃ JEHOVÁ AUTORIDA?
  • JARRESPETA VAʼERÃ UMI OREKÓVAPE AUTORIDA ÑANDE ROGAPÝPE
  • JARRESPETA VAʼERÃ UMI OREKÓVAPE AUTORIDA KONGREGASIÓNPE
  • JARRESPETA VAʼERÃ UMI GOVIERNOKUÉRAPE
  • Jahechaukákena japororrespetaha
    Ñemañaha. Oanunsia Jehová Goviérno (ojestudiáva) 2025
  • Emombaʼékena opavavépe
    Ñemañaha. Oikuaauka Jehová Sãmbyhy 2008
  • ¿Mbaʼérepa oĩ hetaite ndopororrespetáiva?
    ¡Pepáyke! 2024
  • ¿Mbaʼépa ñanepytyvõta javyʼa hag̃ua ñande rogapýpe?
    ¿Mbaʼépa ñanemboʼe la Biblia?
Oĩve informasión
Jasegíkena jaiko Ñandejára mborayhúpe
lvs kap. 4 páh. 45-59
Peteĩ túa okorrehi ifamília mborayhúpe

KAPÍTULO 4

¿Mbaʼérepa jarrespeta vaʼerã umi ñanemoakãvape?

“Perrespetákena entéro yvypórape, pehayhúkena enterove ermanokuéra oĩvape ko múndope, pekyhyje Ñandejáragui, pemombaʼe pe rréipe” (1 PEDRO 2:17).

1, 2. a) ¿Mávaguipa ou umi gía ha konsého jasegi vaʼerã? b) ¿Mbaʼe porandúpa ñambohováita ko kapítulope?

NEMITÃRÕ guare, oiméne katuete nde tuakuéra ojerure jepi ndéve rejapo hag̃ua umi mbaʼe nandegustaguasúiva. Nde rehayhu chupekuéra ha reikuaa neñeʼẽrendu vaʼerãha, péro upéicharõ jepe, oiméne ndahaʼéi katuete la siémpre rejaposéva umi mbaʼe haʼekuéra omandáva ndéve.

2 Jaikuaa ningo ñande Ru Jehová ñanderayhuetereiha. Haʼe okuida ñanderehe ha omeʼẽ ñandéve opa mbaʼe ñaikotevẽva jadisfruta hag̃ua. Jehová omeʼẽ ñandéve umi gía ha konsého ñaikotevẽva ñasẽ porã hag̃ua. Ha sapyʼánte oipuru avei ótrope ojapo hag̃ua upéva. Tekotevẽterei ningo jarrespeta pe autorida Jehová orekóva (Proverbios 24:21). Péro, ¿mbaʼérepa sapyʼánte ijetuʼu jasegi umi gía ha konsého oñemeʼẽva ñandéve? ¿Mbaʼérepa Jehová ojerure ñandehegui jasegi vaʼerãha umíva? ¿Ha mbaʼéichapa jahechaukáta jarrespetaha pe autorida haʼe orekóva? (Ehecha nóta 9 entende porãve hag̃ua).

¿MBAʼÉREPA IJETUʼU JEPI JASEGI UMI GÍA HA KONSÉHO?

3, 4. a) ¿Mbaʼéicha rupípa ñaneimperfékto? b) ¿Mbaʼérepa sapyʼánte ijetuʼu jajapo hag̃ua ojeʼéva ñandéve?

3 Enterovévante ningo sapyʼánte ndajajaposéi umi mbaʼe ojeʼéva ñandéve. Upéva oñepyrũ vaʼekue oiko Adán ha Eva opeka rire. Haʼekuéra haʼe vaʼekue perfékto, péro opuʼãrõ guare pe autorida orekóvare Ñandejára oiko chuguikuéra umáno imperfékto, ha upe guive enterove ñanaséma avei upéicha. Upévare avése ijetuʼu ñandéve jasegi hag̃ua umi instruksión oúva tahaʼe Jehovágui térã ótra persónagui. Sapyʼánte ijetuʼu avei pórke umi persóna Jehová oipurúva omeʼẽ hag̃ua ñandéve gía ha konsého haʼénte avei imperfékto (Génesis 2:15-17; 3:1-7; Salmo 51:5; Romanos 5:12).

4 Ñaneimperfékto rupi ikatu ñañemombaʼeguasu ha ijetuʼu jajapo hag̃ua umi mbaʼe ojeʼéva ñandéve. Por ehémplo, upéva oiko vaʼekue Coré rehe. Haʼe ningo oservíma vaʼekue Jehovápe heta áñore, péro upéi ou ijorgullóso ha ohechauka ndorrespetaieteha Moiséspe, haʼéva pe kuimbaʼe Jehová oiporavo vaʼekue odirihi hag̃ua ipuévlope. Moisés katu noñemombaʼeguasúi vaʼekue, ojeʼe voi hese haʼe hague pe iñumildevéva oiko vaʼekue. Péro Coré ndoaseptái pe gía omeʼẽva Moisés, ha okonvense hetaiterei persónape omoirũ hag̃ua chupe opuʼã hag̃ua Moisésre. ¿Mbaʼépa ojehu Coré ha umi omoirũvape chupe? Jehová ohundipaite chupekuéra (Números 12:3; 16:1-3, 31-35). La Bíbliape jatopa heta ehémplo ohechaukáva ñandéve ivaiha ñañemombaʼeguasu (2 Crónicas 26:16-21; ehecha nóta 10 entende porãve hag̃ua).

5. ¿Mbaʼéichapa mokõi kuimbaʼe oipuru vai vaʼekue ijautorida?

5 Ymaiterei guive oĩ oipuru vaíva ijautorida (elee Eclesiastés 8:9). Por ehémplo, Saúl haʼe vaʼekue peteĩ persóna ipyʼaporã ha iñumíldeva Jehová oiporavórõ guare chupe haʼe hag̃ua rréi de Israel. Péro upéi oñepyrũ ijorgullóso ha iselóso ipyʼapýpe, upévare oñemoĩ opersegi Davídpe, haʼéramo jepe peteĩ persóna inosénte (1 Samuel 9:20, 21; 10:20-22; 18:7-11). Tiémpo rire Davídgui oiko rréi, ha haʼe vaʼekue peteĩva umi rréi ikatupyryvéva Israélpe. Upéicharõ jepe, haʼe avei oipuru vai vaʼekue ijautorida. David oreko vaʼekue rrelasión sexuál Bat-Seba ndive, haʼéva Urías rembireko. Upéi oñehaʼã omokañy upe ojapo vaʼekue omondóvo Uríaspe omano hag̃ua gerrahápe (2 Samuel 11:1-17).

¿MBAʼÉREPA JARRESPETA VAʼERÃ JEHOVÁ AUTORIDA?

6, 7. a) ¿Mbaʼépa jajapose jahayhu rupi Jehovápe? b) ¿Mbaʼéichapa Jesús ehémplo ñanepytyvõ ñaneñeʼẽrendu hag̃ua ijetuʼúramo jepe?

6 Ñande ñambovyʼase Jehovápe ha jarrespeta umi gía ha konsého oúva chugui pórke jahayhuve chupe opa mbaʼégui (elee Proverbios 27:11; Marcos 12:29, 30). Pe primera paréha oikoha tiémpo guive hardín de Edénpe koʼag̃aite peve, Satanás oipota la hénte opuʼã Jehová autoridáre. Haʼe oipota ñapensa Jehová ndorekoiha derécho heʼi hag̃ua ñandéve mbaʼépa jajapo vaʼerã. Péro ñande jaikuaa haʼe ijapuha. Ñande ñaime segúro siertoha heʼíva Apocalipsis 4:11: “Ñandejára Jehová, nde rejapo entéro mbaʼe, ha nde reipotágui oexisti ha ojejapo vaʼekue opaite mbaʼe. Upévare nde remerese enterove nemombaʼe ha nembotuicha, remerese avei rerresivi pe podér”.

7 Nemitãrõ guare nde tuakuéra nemboʼéne raʼe neñeʼẽrendu hag̃ua chupekuéra, péro sapyʼánte oiméne ndahaʼéi la ifasilpáva ndéve. Jehová siervokuérape g̃uarã ikatu avei sapyʼánte ijetuʼu ñaneñeʼẽrendu hag̃ua. Péro jahayhu ha jarrespeta rupi Jehovápe, jajapo ikatúva entéro ñaneñeʼẽrendu hag̃ua chupe. Jesús oheja pe ehémplo iporãvéva ñandéve g̃uarã. Haʼe iñeʼẽrendu vaʼekue Jehovápe ijetuʼúramo jepe, térã tekotevẽtaramo jepe heta ojesakrifika upearã. Upévare ikatu vaʼekue heʼi Itúape: “Ani oiko che volunta, síno toiko nde reipotáva” (Lucas 22:42; ehecha nóta 11 entende porãve hag̃ua).

8. ¿Mbaʼe mbaʼépa Jehová oipuru ñandegia hag̃ua? (Ehecha pe rrekuádro “Ehendu umi konsého”).

8 Koʼág̃arupi Jehová oipuru diferénte médio ñandegia hag̃ua. Por ehémplo omeʼẽ ñandéve la Biblia ha avei umi ansiáno oĩva kongregasiónpe. Jarrespetávo umi persóna Jehová oipurúvape ñandedirihi hag̃ua, jahechauka hína jarrespetaha chupe. Ha jarrechasáramo umi konsého haʼekuéra omeʼẽva ñandéve, añetehápe ndajahejái hína Jehová ñanepytyvõ. Jehovápe ndogustaiete kuri umi israelita orrechasárõ guare Moiséspe, ha ohecha voi upéva haʼekuéra orrechasarõguáicha chupe voi (Números 14:26, 27; ehecha nóta 12 entende porãve hag̃ua).

EHENDU UMI KONSÉHO

IKATU oĩ jepi omeʼẽva ñandéve konsého la Biblia rupive. Péro ikatu ijetuʼu ñandéve jaasepta hag̃ua umi konsého koʼã mbohapy mbaʼére (Proverbios 19:20).

  • Ñapensa nañaikotevẽiha upe konsého. Ikatu ñapensa pe persóna omeʼẽ vaʼekue ñandéve pe konsého nontendeporãinteha ñane situasión (Hebreos 12:5). Péro eñeporandumína noiméipa añetehápe irrasón hína (Proverbios 19:3). Rentende porãramo mbaʼérepa oñemeʼẽ ndéve peteĩ konsého, ifasilvéta ndéve reasepta hag̃ua (elee Proverbios 4:13).

  • Nañandegustái mbaʼéichapa oñemeʼẽ ñandéve pe konsého. Sólamente peteĩ persóna haʼéva perfékto ikatu omeʼẽ peteĩ konsého perfékto (Romanos 3:23; Santiago 3:2). Jahecha rangue mbaʼéichapa oñemeʼẽ ñandéve peteĩ konsého, ikuentave ñañekonsentra la heʼívare upe konsého ha mbaʼéichapa ikatu ñamoĩ en práktika.

  • Ñapensa nañaikotevẽveimaha oñemeʼẽ ñandéve konsého pórke ñandeeda térã ñaneexperiénsia hetáma. Israélpe umi rréipe jepe oñemeʼẽ vaʼekue konsého, upéva ojapo vaʼekue por ehémplo umi proféta, saserdóte ha ótro oikóva irréinope (2 Samuel 12:1-13; 2 Crónicas 26:16-20). Ñaneumílde ha jaaseptáramo umi konsého oúva la Bíbliagui, ñañemoag̃uivéta Jehováre (Tito 3:2).

Nemanduʼáke umi konsého oĩva la Bíbliape haʼeha peteĩ rregálo oúva Jehovágui, haʼe ñanderayhu ha oipota iporãva ñandéve g̃uarã. Eñehaʼãmbaitékena easepta ha remoĩ en práktika umi konsého rerresivíva (Hebreos 12:6-11).

9. ¿Mbaʼérepa ikatu jaʼe japorohayhúramo jasegitaha umi gía ha konsého oñemeʼẽva ñandéve?

9 Jarrespetáramo umi orekóvape autorida, jahechauka avei jahayhuha ñane ermanokuérape. Epensamína ko situasiónre: oiko jave peteĩ sarambi, umi ekípo de rreskáte ombaʼapo jepi oñondive osalva hag̃ua ikatúvape entéro. Ikatu hag̃uáicha ojapo porã hikuái la hembiapo, oĩ vaʼerã peteĩ oorganisáva la traváho ha enterovéva osegi vaʼerã pe gía haʼe omeʼẽva. ¿Mbaʼépa oikóta peteĩva nopenáiramo hese ha ojapo haʼe ojaposévante? Oipytyvõséramo jepe la héntepe, ndojapói rupi ojeʼéva chupe ikatu operhudika ikompañerokuérape, ha ikatu voi oĩ oñelastima vaíva ikúlpare. Upéicha avei, ndajasegíriramo umi gía ha konsého oúva Jehovágui ha umi persóna haʼe omoĩ vaʼekuégui, ikatu hína ótro osufri ñande káusare. Péro ñaneñeʼẽrendúramo Jehovápe jahechauka jahayhuha ñane ermanokuérape ha jarrespetaha pe arréglo haʼe omoĩva (1 Corintios 12:14, 25, 26).

10, 11. ¿Mbaʼépa jahecháta koʼág̃a?

10 Oimeraẽ mbaʼe Jehová ojeruréva ñandéve ningo ñane venefisiorãnte. Jarrespetáramo umi orekóvape autorida ñande rogapýpe, kongregasiónpe ha umi goviérnope, entéronte ñasẽ porãta (Deuteronomio 5:16; Romanos 13:4; Efesios 6:2, 3; Hebreos 13:17).

11 Ñantende porãramo mbaʼérepa Jehová oipota jarrespeta umi ótrope ñanepytyvõta jajapo hag̃ua upéva. Jahechamína máva mávapepa jarrespeta vaʼerã.

JARRESPETA VAʼERÃ UMI OREKÓVAPE AUTORIDA ÑANDE ROGAPÝPE

12. ¿Mbaʼéichapa peteĩ ména ohechaukáta orrespetaha Jehovápe?

12 Jehová voi omoñepyrũ vaʼekue la família ha onkarga káda únope mbaʼépa ojapo vaʼerã. Enterovéva ojapóramo la Jehová ohaʼarõva chugui, pe família kompletoite ikatu osẽ porã ha oñevenefisia (1 Corintios 14:33). Jehová heʼi pe ména haʼeha pe omoakãva ogapy. Upéva heʼise Jehová ohaʼarõha okuida ha ogia mborayhúpe hembireko ha ifamiliakuérape. Upéicharõ, pe ména ojecháta hína Jehovándi oñatende lájare hesekuéra. Peteĩ ména oservíva Jehovápe imbaʼeporã ha ohayhu ifamíliape, upévare otrata chupekuéra Jesús otrataháicha pe kongregasiónpe. Péicha pe ména ohechauka hína orrespetaha Jehovápe (Efesios 5:23; ehecha nóta 13 entende porãve hag̃ua).

Peteĩ túa olee ifamíliape lívro Ñaaprende Mboʼehára Guasúgui

Peteĩ túa oservíva Jehovápe okuida porã vaʼerã ifamíliare, upéicha osegi Jesús ehémplo

13. ¿Mbaʼéichapa peteĩ tembireko ohechaukáta orrespetaha Jehovápe?

13 Umi tembireko oservíva Jehovápe ojapo avei heta mbaʼe iporãva ha iñimportánteva pe famíliape. Iména oñehaʼãmbaite omoakã porã hag̃ua pe ogapy ha haʼe oapoja meme chupe. Mokõivéva oreko pe rresponsavilida ohekomboʼévo ifamiliakuérape. Ha iñehémplo rupive omboʼéta hína imembykuérape opororrespeta vaʼerãha (Proverbios 1:8). Haʼe orrespeta iménape ha oapoja chupe umi mbaʼe odesidívape. Ha sapyʼánte ndogustáiramo jepe chupe peteĩ mbaʼe, omombeʼu porãnte umi mbaʼe oñandúva. Peteĩ tembireko oservíva Jehovápe orekóramo iména ndahaʼéiva Testígo ikatu ohasa hína heta mbaʼe ijetuʼúva. Péro osegíramo ohechauka ohayhu ha orrespetaha iménape, ikatu peteĩ día haʼe avei oikuaase Jehovápe ha oservi chupe (elee 1 Pedro 3:1).

14. ¿Mbaʼéichapa umi mitã ohechaukáta orrespetaha Jehovápe?

14 Jehová ohayhueterei umi mitãme, ha tekotevẽterei ojeprotehe ha ojegia chupekuéra. Umi mitã iñeʼẽrendúramo ituakuérape ombovyʼáta chupekuéra. Péro iñimportanteveha, ohechaukáta orrespetaha Jehovápe ha ombovyʼáta chupe (Proverbios 10:1). Oĩ heta túa ha sy omongakuaáva haʼeño ifamíliape, ha upéva ikatu ijetuʼu hína chupekuéra. Péro pe mitã iñeʼẽrendúramo, ikatúta ovyʼave hikuái. Tahaʼe haʼéva pe situasión, ndaipóri ni peteĩ família perféktova. Péro enterovéva ikatúta ovyʼave káda uno osegíramo umi gía ha konsého Jehová omeʼẽva. Ha péicha oñemombaʼeguasu Jehovápe, haʼéva pe família Apohare (Efesios 3:14, 15).

JARRESPETA VAʼERÃ UMI OREKÓVAPE AUTORIDA KONGREGASIÓNPE

15. ¿Mbaʼéichapa jahechaukáta jarrespetaha Jehovápe pe kongregasiónpe?

15 Jehová omeʼẽ ñandéve gía ha konsého pe kongregasión rupive, ha omoĩ Jesúspe omoakã hag̃ua pe kongregasión (Colosenses 1:18). Jesús katu omoĩ peteĩ “esklávo de konfiánsa ha iñarandúva”, haʼekuéra oreko pe rresponsavilida okuidávo Ñandejára puévlore ko yvy ape ári (Mateo 24:45-47). Ñane tiémpope ko “esklávo de konfiánsa ha iñarandúva” haʼe hína pe Kuérpo Governánte. Pe Kuérpo Governánte omeʼẽ ñandéve itiempoitépe umi mbaʼe ñaikotevẽva ñamombarete hag̃ua ñande jerovia. Umi ansiáno, siérvo ministeriál ha superintendénte de sirkuíto oipytyvõ umi kongregasión oĩvape ko yvy ape ári ha avei orresivi umi instruksión oúva pe Kuérpo Governántegui. Entéro koʼã ermáno oreko pe rresponsavilida okuidávo ñanderehe, ha ojecháta Jehovándi okumpli lájare ko rresponsavilida. Upévare, jarrespetáramo koʼã ermánope, jarrespeta hína Jehovápe (elee 1 Tesalonicenses 5:12; Hebreos 13:17; ehecha nóta 14 entende porãve hag̃ua).

16. ¿Mbaʼérepa ikatu jaʼe umi ansiáno ha siérvo ministeriál oñenombraha espíritu sánto rupive?

16 Umi ansiáno ha siérvo ministeriál oipytyvõ pe kongregasiónpe osegi hag̃ua peteĩ ñeʼẽme ha ojerovia mbarete hag̃ua. Péro jaikuaaháicha, haʼekuéra iñimperfékto avei ñandéicha. Upéicharõ, ¿mbaʼéichapa ojeporavo umi oñenombrátavape? Koʼã ermáno okumpli vaʼerã umi rrekisíto oĩva la Bíbliape (1 Timoteo 3:1-7, 12; Tito 1:5-9). Jehová oipuru vaʼekue ijespíritu sánto oipytyvõ hag̃ua umi oskrivi vaʼekuépe koʼã rrekisíto. Umi ansiáno ojerure Jehovápe omeʼẽ hag̃ua chupekuéra ijespíritu ohecháta jave hikuái mávapa ikatu oñenombra oiko hag̃ua chugui ansiáno térã siérvo ministeriál. Upéicha jahecha porãiterei Jehová ha Jesús ogia ha odirihiha pe kongregasión (Hechos 20:28). Koʼã ermáno oñenombráva okuida porã ñanderehe ha haʼe voi peteĩ rregálo oúva Jehovágui (Efesios 4:8).

17. ¿Mbaʼépa tekotevẽ sapyʼánte ojapo umi ermána ohechauka hag̃ua orrespetaha Jehovápe?

17 Sapyʼánte ndaipóri ansiáno ni siérvo ministeriál ojapo hag̃ua umi traváho peteĩ kongregasiónpe. Péicha jave normálmente oipytyvõ jepi peteĩ puvlikadór vautisádo. Péro ikatu hína peteĩ ermána ojapómante vaʼerã koʼã mbaʼe ndaipóriramo ni peteĩ ermáno. Upéicha jave, haʼe oipuru vaʼerã álgo okuvri hag̃ua iñakã, por ehémplo ikatu oipuru peteĩ pañuélo térã peteĩ sombréro (1 Corintios 11:3-10). Jehová ningo heʼi mávapa omoakã vaʼerã pe ogapy ha mávapa ogia vaʼerã pe kongregasión, ha umi ermána okuvrívo iñakã ohechauka hína orrespetaha pe arréglo Jehová omoĩva (ehecha nóta 15 entende porãve hag̃ua).

JARRESPETA VAʼERÃ UMI GOVIERNOKUÉRAPE

18, 19. a) ¿Mbaʼépa ñanemboʼe Romanos 13:1-7? b) ¿Mbaʼéichapa jahechauka jarrespetaha umi orekóvape autorida?

18 Koʼág̃arupi Jehová omeʼẽ autorida umi governantekuérape, ha upévare jarrespeta vaʼerã chupekuéra. Haʼekuéra oorganisa heta mbaʼe iñimportánteva umi país ha siudakuérarupi ikatu hag̃uáicha oĩ órden, jaiko pyʼaguapýpe ha jaguereko hag̃ua umi mbaʼe ñaikotevẽva. Ñande kristiáno jajapo vaʼerã heʼíva Romanos 13:1-7 (elee). Ñande jarrespeta “umi autorida omandáva” ha ñakumpli umi léi haʼekuéra omoĩva pe país térã pe siuda jaikohápe. Koʼã léi ikatu hína oafekta ñane família, ñande traváho térã umi mbaʼe jaguerekóva. Por ehémplo, japaga umi impuésto ha ñamoĩmba oñeporandúva guive umi dokuménto omeʼẽvape ñandéve pe goviérno. Péro, ¿mbaʼépa jajapóta umi goviérno ojeruréramo ñandéve jajapo hag̃ua peteĩ mbaʼe oĩ vaíva Ñandejára renondépe? Apóstol Pedro heʼi: “Oreñeʼẽrendu vaʼerã Ñandejárape ore governánteramo, yvypórape rangue” (Hechos 5:28, 29).

19 Tekotevẽramo jatrata peteĩ ombaʼapóvandi pe goviérnope g̃uarã, por ehémplo peteĩ hués térã peteĩ polisía ndive, jahechauka vaʼerã jarrespetaha chupekuéra. Umi kristiáno imitãva ohechauka vaʼerã orrespetaha iprofesorkuérape ha umi ótro ombaʼapóvape ikoléhio térã eskuélape. Ñambaʼapohápe jahechauka vaʼerã jarrespetaha ñane patrónpe, ñane kompañerokuéra de traváho ndojapóiramo jepe upéva. Upéicha jajapóramo jasegíta hína apóstol Pablo ehémplo, haʼe ningo siémpre irrespetuóso vaʼekue ohasáramo jepe umi situasión ijetuʼúva otratávo umi governantekuérandi (Hechos 26:2, 25). Oĩramo jepe ñandetrata vaíva, lomímonte ñande japororrespeta vaʼerã (elee Romanos 12:17, 18; 1 Pedro 3:15).

20, 21. ¿Mbaʼe iporãvapa jahupytýta jahechaukáramo japororrespetaha?

20 Amás día la hénte saʼietereive opororrespeta. Péro Jehová puévlo idiferentete. Upévare ñañehaʼãmbaite jahechauka hag̃ua japororrespetaha. Ñande jajapo apóstol Pedro heʼi vaʼekue: “Perrespetákena entéro yvypórape” (1 Pedro 2:17). Jarrespetáramo ñande rapichakuérape, haʼekuéra ohechakuaáta upéva. Jesús heʼi vaʼekue ñandéve: “Pehesape vaʼerã umi hénte renondépe, ikatu hag̃uáicha haʼekuéra ohecha umi mbaʼe porã pejapóva ha ombotuicha pende Ru oĩva yvágape” (Mateo 5:16).

21 Jahechaukáramo japororrespetaha ñande rogapýpe, kongregasiónpe ha opa mbaʼe jajapóvape, pe ehémplo porã ñameʼẽva ikatu hína omomýi ótrope oaprendeseve hag̃ua Jehovágui. Avei, jarrespetávo ñande rapichakuérape, jarrespeta hína Jehovápe voi. Upéva ombovyʼa Jehovápe ha upéicha jahechauka jahayhuha chupe.

MBAʼÉPA HEʼI LA BIBLIA

1 JEHOVÁ OIPURU DIFERÉNTE PERSÓNAPE ÑANDEGIA HAG̃UA

“Perrespetákena entéro yvypórape, [...] pekyhyje Ñandejáragui” (1 Pedro 2:17).

¿Mbaʼérepa ikatu ijetuʼu jasegi hag̃ua umi gía ha konsého oñemeʼẽva ñandéve?

  • Números 16:1-3; Eclesiastés 8:9; Romanos 5:12

    Umi persóna Jehová oipurúva omeʼẽ hag̃ua ñandéve gía ha konsého haʼénte avei imperfékto.

  • Lucas 22:42

    Jesús siémpre iñeʼẽrendu vaʼekue Jehovápe ha péicha omoĩ pe ehémplo iporãvéva.

  • Proverbios 27:11; Marcos 12:29, 30

    Jahayhúramo Jehovápe jarrespetáta umi arréglo haʼe omoĩva. Ogapýpe oĩ peteĩ omoakãva pe família. Eskuéla térã koléhiope oĩ umi profesorkuéra. Kongregasiónpe oĩ umi ansianokuéra.

2 JEHOVÁ OMOÑEPYRŨ VAʼEKUE PE FAMÍLIA

“Che añesũ añemboʼe hag̃ua pe Túape, haʼe rupive oexisti entéro família” (Efesios 3:14, 15).

¿Mbaʼérepa Jehová oipota jarrespeta umi omoakãvape ogapy?

  • Proverbios 10:1

    Jehová omoñepyrũ vaʼekue pe família ikatu hag̃uáicha umi mitã oreko peteĩ lugár segúro okakuaa hag̃ua, ha káda uno orresivi hag̃ua pe mborayhu oikotevẽva.

  • Proverbios 1:8; 1 Corintios 11:3; Efesios 6:1-3; 1 Pedro 3:1

    Pe família kompletoite oñevenefisia enterovéva okumplíramo ipárte.

3 JEHOVÁ OMOĨ JESÚSPE OMOAKÃ HAG̃UA PE KONGREGASIÓN

“Cristo omoakãháicha pe kongregasión” (Efesios 5:23).

¿Mbaʼérepa jaapoja vaʼerã umi ogiávape pe kongregasión?

  • Mateo 24:45-47

    Jesús omoĩ “pe esklávo de konfiánsa ha iñarandúva” okuida hag̃ua Ñandejára puévlore ko yvy ape ári.

  • 1 Tesalonicenses 5:12; Hebreos 13:17

    Umi ansiáno ha siérvo ministeriál oipytyvõ pe kongregasiónpe osegi hag̃ua imbarete. Jahechauka jarrespetaha pe autorida Jehová orekóva jaapojáramo koʼã ermánope.

  • Hechos 20:28

    Enterove oñevenefisia jaapojáramo ñande pyʼaite guive pe kongregasión. Jehová ojapo ko arréglo jaadora hag̃ua chupe.

4 JEHOVÁ OMEʼẼ AUTORIDA UMI GOVERNANTEKUÉRAPE

“Haʼekuéra káda uno oĩ ipuéstope Ñandejára oipotáguinte” (Romanos 13:1).

¿Mbaʼéichapa jahechauka jarrespetaha umi governantekuérape?

  • Mateo 5:16; 1 Pedro 3:15

    Jahechauka hína japororrespetaha umi mbaʼe jaʼe ha jajapóva rupive. Upéicha ñambotuicha hína Jehovápe.

  • Hechos 26:2, 25; Romanos 12:17, 18

    Ñande kristianokuéra ñakumpli umi léi oĩva pe país jaikohápe. Avei jasegi japororrespeta oĩramo jepe ñandetrata vaíva.

  • Romanos 13:1-4

    Umi konsého oĩva la Bíbliape ikatu nepytyvõ neñeʼẽrendu hag̃ua umi orekóvape autorida.

  • Mateo 22:37-39; 26:52; Juan 18:36; Hechos 5:27-29; Hebreos 10:24, 25

    Peteĩ orekóva autorida ojeruréramo ndéve rejapo hag̃ua peteĩ mbaʼe Jehová heʼíva oĩ vaiha, redesidi vaʼerã mávapepa neñeʼẽrendúta.

    Guaranimegua puvlikasionkuéra (2000-2026)
    Emboty sesión
    Emoñepyrũ sesión
    • guarani
    • Ekomparti
    • Configuración
    • Copyright © 2025 Watch Tower Bible and Tract Society of Pennsylvania
    • Ojejeruréva reipuru hag̃ua
    • Política de privacidad
    • Privacidad
    • JW.ORG
    • Emoñepyrũ sesión
    Ekomparti