Leksión 6

Eexplika porã vaʼerã umi téxto

Juan 10:33-36

MBAʼÉPA HEʼISE: Eime raẽ vaʼerã segúro umi nerendúva ontende porãha mbaʼéichapa pe téxto omopyenda porã umi mbaʼe eréva. Ani releénte peteĩ téxto ha upéi eñeʼẽma ótra kósare.

MBAʼÉICHAPA IKATU REJAPO

Ojepilla porã vaʼerã umi palávra iñimportantevéva pe téxtope. Eleepa rire peteĩ téxto emyesakã vaʼerã mbaʼe partetépa omopyenda hína umi mbaʼe remboʼéva. Upearã ikatu ere jey umi palávra térã ikatu avei rejapo peteĩ porandu oipytyvõtava umi nerendúvape opilla hag̃ua umíva.

Emombeʼu jeýtaramo peteĩ párte pe téxto relee vaʼekuégui reexplika hag̃ua, ejapo vaʼerã ikatu hag̃uáicha umi nerendúva ontende porã mbaʼéichapa upéva ojogueraha pe témare.
Emyesakã porã umi mbaʼe iñimportantevéva. Remombeʼútaramo mbaʼérepa releéta peteĩ téxto, upéi ehechauka vaʼerã mbaʼéichapa la heʼíva upépe ojogueraha pe remboʼesévandi.

Reexplika aja peteĩ téxto reguereko vaʼerã nde Biblia aviérto. Rejapóramo upéicha, umi nerendúva pyaʼe opilláta umi mbaʼe eréva oñemopyendaha pe téxto relee vaʼekuépe.
Isensíllo vaʼerã reexplika lája umi téxto. Natekotevẽi remombeʼu umi detálle ndojogueraháiva umi mbaʼe iñimportantevévare. Ehecha hag̃ua mboy informasiónpa tekotevẽ ere hesakã hag̃ua pe téxto heʼíva, ereko vaʼerã enkuénta mbaʼépa oikuaáma voi umi nerendúva.