“Aháta nendive”

OIKO Ñandejára heʼi hagueichaite. Jehová opermiti umi israelita ohasa asy iñenemigokuéra poguýpe pórke haʼekuéra ohejapa chupe. Upévare la situasión ijetuʼupaite Israélpe. Upe tiémpope, Canaánpe ogoverna vaʼekue rréi Jabín. Ko kuimbaʼe oreko vaʼekue ipoguýpe peteĩ henerál iñañaitereíva hérava Sísara. Ko henerál katu omoakã peteĩ ehérsito tuichaitereíva ha oreko 900 kárro de gérra orekóva kyse puku de iérro irruédare.

Veinte áñore Sísara sarambi ojapo Israel territóriope. Ijehérsito oataka jave peteĩ siuda posívlemente orahámi avei hendivekuéra umi mitãkuña upepegua ha oviola chupekuéra. Oiko rupi koʼã mbaʼe ivaietéva avavéma nosẽsevéi ni oguata pe kállere. Umi siuda opyta nandi vera pórke umi israelitakuéra oho okañy umi montáñare térã kaʼaguýre. Saʼi oĩ vaʼekue umi orekóva árma oñedefende hag̃ua.

Upe tiémpope oiko vaʼekue avei peteĩ kuña ipyʼaguasúva hérava Débora. Haʼe oservi vaʼekue kómo profetísa Jehovápe g̃uarã ha ohusgámi avei umi israelitakuérape oreko jave umi káso ijetuʼúva. Peteĩ vuéltape, Jehová ojevale hese omog̃uahẽ hag̃ua Barácpe peteĩ mensáhe iñimportánteva. Jehová oelehi ko kuimbaʼépe oservi hag̃ua huésramo. Débora heʼipaite chupe la Jehová oipotáva ojapo osalva hag̃ua umi israelitakuérape. ¿Mbaʼépa oiméne opensa raʼe Barac oikuaárõ guare ombyaty vaʼerãha 10.000 kuimbaʼépe Sérro Tabórpe? Eñeimahinamína mbaʼéichapa oiméne Barac oñeñandu raʼe Débora heʼírõ guare chupe Jehová rupive ipuʼakataha Sísara ehérsitore.

Upérõ guare Barac ojapo vaʼerã kuri la heʼíva chupe peteĩ kuña. ¿Ojepichápa raʼe upe haguére? Nahániri. Haʼe ohechauka vaʼekue iñumildeha heʼírõ guare ndohomoʼãiha moõve Débora reheʼỹ. Upéva ndeʼiséi avei haʼe ndojeroviái hague Ñandejárare. Jaʼekuaa upéva pórke Pablo oñeʼẽ vaʼekue hese imanduʼárõ guare heta kuimbaʼe ha kuña ojeroviaitereívare (Heb. 11:​1, 2, 32). Barac oikuaa vaʼekue Jehová ojevaleha Déborare ogia hag̃ua ipuévlope, upévare haʼe oipota oho hendivekuéra oikotevẽ jeýramo g̃uarã hese. Péicha ohechauka kuri ojeroviaha Jehováre. Ojekuaa porã avei Débora ndahaʼéi hague peteĩ kuña ipyʼajúva heʼírõ guare: “Aháta nendive”. Débora heʼi Barácpe oganataha Sísarape, péro heʼi avei chupe ndahaʼemoʼãiha haʼe ni ótro kuimbaʼe la ojukáva Sísarape, síno peteĩ kuña.

Barac pyaʼe voi ojapo la oñemandáva chupe ha ombyaty peteĩ ehérsito oĩháme 10.000 kuimbaʼe ipyʼaguasúva. Haʼekuéra ombyaty mbyaty umi árma orekomíva ha oho Sérro Tabor ruʼãitépe, Barac heʼi haguéicha chupekuéra. Ko sérro ijyvate 562 métrorupi ha la imólde haʼete peteĩ palangána oĩva ovapývo. Ko sérro jerére pe sóna iplanoite vaʼekue. Pe sérro guive haʼekuéra ikatu vaʼekue ohecha Sísara ehérsito okrusáva oúvo Jezreel Ñúre oñorairõ hag̃ua ikontrapekuéra.

¿Mbaʼépa ojapóta Barac? ¿Iporãvétapa ohaʼarõnte pe sérro ruʼãme og̃uahẽ meve Sísara ehérsito? Epensamíntena, umi kárro ndaikatumoʼãi hatãiterei oho tekotevẽtaramo ojupi pe sérrore ha umi israelítape ifasilvéta oataka hag̃ua chupekuéra. ¿Upévapa la okonvenivéva chupekuéra? Haʼete la upéichava, péro Barac oikuaa vaʼekue Jehová rupivémante ikatutaha ogana hikuái. Upévare, Débora heʼírõ guare chupe toguejy ha toataka, haʼe odesidi iñeʼẽrendutaha pórke oikuaa Jehovágui ouha upe instruksión. Upepete umi kuimbaʼe ovahea pe sérrore. Oatropella ohóvo hikuái ohug̃uaiti hag̃ua Sísara ehérsito ipoderosoitévape, oñorãirõtaramo jepe hikuái pe yvy iplanovehápe.

Jehová reheʼỹ umi israelita ndahaʼemoʼãi kuri mbaʼevete Sísara ehérsito renondépe. Péro Jehová ohecha mbaʼeichaitépa ipuévlo ipyʼaguasu, upévare oipytyvõ chupekuéra. Jehová ogueru peteĩ ama guasu ha sarambi ojapo Sísara ehérsitogui. Sapyʼaitérõ g̃uarã hetaitereíma onoʼõ la y Jezreel Ñúme ha umi kárro oporomongyhyjete vaʼekue opyta opaʼãmba pe tujúpe. Upéicha rupi umi soldádo oguejýmante ikárrogui oñorairõ hag̃ua umi israelítandi. Amo ipahápe la ikarrokuéra mbaʼevépe jey ndaideprovéchoi chupekuéra. Upérõ omanombaite Sísara soldadokuéra. ¿Péro mbaʼépa oiko raʼe Sísaragui?

Sísara osẽ kuri okañy upégui. Apenaite okrusáne raʼe pe tujúrupi og̃uahẽ meve peteĩ lugár ijalturavehápe. ¡Ajépa ipyʼahatãite! Haʼe oheja rei kuri isoldadokuérape omanomba hag̃ua, openságui péicha ojesalvataha. Péro Barac osẽ oho hapykuéri. Upe aja Jehová ohechapaite hína kuri la oikóva ha oikuaáma mbaʼépa ojapóta Sísaragui.

¿Moõpa oñeñeʼẽ hesekuéra la Bíbliape?

• Jueces 4:​1-16, 23, 24; 5:​1-23

¿Mbaʼépa ere chupe?

¿Mbaʼérepa jaʼekuaa Barac ha Débora ipyʼaguasu hague?

Einvestigamína

1. 1. ¿Mbaʼéichapa oiko vaʼekue umi israelita Sísara omandaha tiémpope? (w15 1/8 13 párr. 1).

   Rrespuésta

2. 2. Samuélgui oiko mboyve proféta oĩ vaʼekue 12 hués oservíva Israélpe. ¿Mbaʼérepa Déborape noñemoingéi jepi ijapytepekuéra? (w86 1/6 31 párr. 6-8-wcgr).

   Rrespuésta

1. 4. ¿Mbaʼépa ontendekase raʼe Barac ha Débora opurahéirõ guare “umi estrélla” oñorairõ hague Sísara kóntrape? (Juec. 5:20; w05 15/1 25 párr. 5-wcgr).

   Rrespuésta

Ejepyʼamongetamína ndejehe

• Barac iñumílde vaʼekue ha oheja peteĩ kuña ifiélva oipytyvõ chupe. ¿Mbaʼéichapa peteĩ ermáno ikatu osegi iñehémplo? B

  Rrespuésta

  

• ¿Mbaʼérepa jaʼekuaa Débora tekotevẽ hague ipyʼaguasu oho hag̃ua Barac ndive? ¿Mbaʼéicha javépa ñande tekotevẽta avei ñandepyʼaguasu haʼéicha?

  Rrespuésta

• ¿Mbaʼéicha javépa ikatu avei rehechauka ndepyʼaguasuha Barac ha Débora ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Barac ha Déborape Jehová omoingove jey vove chupekuéra?

  Rrespuésta

Reikuaave hag̃ua

Eleemína ko artíkulo rehecha hag̃ua Jehová omombaʼetereiha umi mbaʼe jajapóva hesehápe.

Kyreʼỹmekena jajeofrese ñambotuicha hag̃ua Jehovápe (w17.04 28-32).

¿Mbaʼéichapa Barac ha Débora ehémplo ohechauka ñandéve tekotevẽha jajerovia, ñaneumílde ha ñaneñeʼẽrendu?

Ojerovia rupi Barac ombodiparapa pe ehérsito oúvape oataka chupekuéra (w03 15/11 28-31-wcgr).