Umi goviérno ogasta hetaiterei umi ehérsito militár rehe: ¿Mbaʼépa heʼi la Biblia?

Áño 2022-pe umi goviérno oĩva ko múndo tuichakuére ogasta umi ehérsito militár rehe 2,24 billones de dolares. Arakaʼeve ndojegastáiva peichaite peve armakuérare. ¿Mbaʼérepa oiko péva? Prinsipálmente Rusia oataka haguére Ucrániape. Pe Instituto Internacional de Estudios para la Paz de Estocolmo (SIPRI), omeʼẽ peteĩ infórme abril de 2023-pe. Upépe oñemensiona koʼã dáto áño 2022 rehe:

• Európape umi gásto militár “hetave upe áñope 13 por ciento. Áño 1991 guive ndojegastáiva peichaite peve Európape umi ehérsito militár rehe un áñope”.

• “Ojekalkula Rúsiape hetaveha umi gásto militár 9,2 por ciento. Rusia oĩ vaʼekue quinto lugárpe umi país ogastavéva umi ehérsito militár rehe apytépe, ha koʼág̃a oĩ tercer lugárpe”.

• Estados Unidos haʼe pe país ogastavéva oñedefende hag̃ua. Osegi opyta número uno. Ogasta “39 por ciento la ojegastávagui ko múndo tuichakuére umi ehérsito militár rehe”.

Doktór Nan Tian, oipytyvõva ojejapo hag̃ua pe infórme omeʼẽva pe Instituto Internacional de Estudios para la Paz de Estocolmo heʼi: “Koʼã áño ramoite ohasa vaʼekuépe, ko múndo tuichakuére hetaitereive ojegasta umi ehérsito militár rehe. Upéva ohechauka ko múndope hetaveha pe insegurida”.

La Biblia oprofetisa ko ñane tiémpope umi país ipoderosovéva térã umi poténsia mundiál, oiko vaitaha oñondive. Péro omombeʼu avei mbaʼéichapa ikatúta ojeiko pyʼaguapýpe pára siémpre.

La Biblia heʼíma vaʼekue voi oĩtaha gérra

• La Biblia heʼi ñande jaikoha “umi ára pahápe” (Daniel 8:19).

• Lívro de Daniélpe ojeprofetisa ko ñane tiémpope umi país ipoderosovéva, térã umi poténsia mundiál, oiko vaitaha oñondive. Koʼã goviérno “ojoatakáta”, oséa oiko vaíta hikuái omandaségui. Ha upévare umi ehérsito militár oipuru “umi tesóro” térã heta pláta ojepaga hag̃ua umi gástore (Daniel 11:40, 42, 43).

¿Eikuaasevépa hetave detálle ko profesía iñimportantetévagui? Ehecha pe vidéo ¿Mbaʼéichapa oñekumpli umi profesía oĩva Daniel 11-pe?

Mbaʼéichapa ikatúta ojeiko pyʼaguapýpe

• La Biblia heʼi Ñandejára oipeʼataha umi goviérno oĩva ko múndope. Por ehémplo Daniel 2:44 heʼi: “Ñandejára omoĩta peteĩ rréino núnka noñehundimoʼãiva. Ko rréino ndopytamoʼãi ótro puévlo poguýpe. Omonguʼíta ha ohundíta enterove koʼã rréino, ha ko rréino añoite opytáta opa ára g̃uarã”.

• Koʼẽrõitéma Jehováa osolusionáta opaichagua provléma ha ikatúta ojeiko pyʼaguapýpe pára siémpre, ndaipóri ótro ikatúva ojapo upéva. ¿Mbaʼéichapa Ñandejára okumplíta ipromésa? Ojevaléta Irréinore, peteĩ goviérno oĩvare yvágape, upe goviérno ohundíta pe violénsia ha entéro umi árma (Salmo 46:8, 9).

¿Eikuaasépa mbaʼe ótra kósa ojapóta Ñandejára Rréino? Elee ko informasión “El Reino de Dios traerá ‘paz en abundancia’”.