MARANDU 2
¿Këraipa ndepuere reyemboe Tumpa re?
“Agüɨye embosɨrɨ ndeyuru güi kuae mborookuai, ara pe jare pï-tu yave eyemongeta jese, reyapo jare reñovatu vaerä opaete oyekuatía oï pɨpe vae; echa jayave oë kavita ndeve opaete mbaembae reyapo vae.”
(Josué 1:8)
“Omongeta reta mbegüe pe kavi jókuae tembikuatía Tumpa iporookuai oï pɨpe vae, jare omombeu kavi mbae ko oipota jei vae, opaete vae ipuere vaerä oikuaa kavi jókuae oyemongetagüe.”
(Nehemías 8:8)
“Oyerovia ko kuimbae, mbaetɨ oiko jeko kavimbae reta iporomboarakuaa rupi vae, [...] jaeño oñono ipɨa yandeYa [Jehová] iporookuai re vae, jeseño oyemongeta ara rupi jare pï-tu yave vae. [...] ¡Opaete mbaembae oyapogüe oë kavi chupe!”
“Felipe osɨi käretou kotɨ, jare oendu jókuae kuimbae omongeta oï ñeemombeúa Isaías jembikuatía. Jayave oparandu chupe: ‘¿Reikuaa pa jókuae remongeta reo vae?ʼ Jare eunuco jei Felipe pe: ‘¿Këraita pa aikuaa, mbaetɨ yave kia chemboe jese?ʼ ”
“Echa jae oyekuaambae vae jare imbaepuere opambae vae, jare jae ko Tumpa vae, oyekuaa kavi yae ɨvɨ oyeapo güive. Ɨvɨ pegua reta oikuaa opaete mbaembae Tumpa oyapo vae rupi. Jáeramo mbaetɨ metei ave ipuere jei: “Mbaetɨ ko aikuaa.” ”
“Eyemboambeko avei kuae mbaembae reta re, agüɨye eeya, oyekuaa vaerä opaete vae pe ikavi yae ko jókuae reyemboe vae.”
“Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe. Agüɨye yaata yemboatɨa pe.”
(Hebreos 10:24, 25)
“Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.”
(Santiago 1:5)