MARANDU 6
¿Mbaepa oyekuatía Bibliape Mesias oasata vae re?
OYEMBOTENONDE VAE
“Ërei nde Belén Efrata, [...] ndegüi oëta cheve Israel iYarä vae.”
(Miqueas 5:2)
OASA VAE
“Jesús oa tëta Belén ɨvɨ Judea pegua pe, Herodes oiko yave mburuvicha guasurä. Jayave yogüeru oväe Jerusalén pe kuimbae reta yasɨtata re oyemboe vae reta kuaraɨ oëa kotɨ güi.”
(Mateo 2:1)
OYEMBOTENONDE VAE
“Omboyao reta oyoupe cheremimonde; jare cheremimonde re oyombosuerte reta.”
OASA VAE
“Jare sundaro reta oikutu ma yave Jesús, irundɨ reve oyemboiya jemimondegüe re omboyao reta iyeupe. Oipɨɨ reta vi jemimonde iarambogua, kuae temimonde mbaetɨ oyembovɨvɨ, oyeapo metei güiño. Jayave sundaro reta jei oyoupe: ‘Agüɨye yamondoro, yayembosuerte jese, yaikuaa vaerä kia ra güɨrajata vae.ʼ
”
OYEMBOTENONDE VAE
“Jae oñovatu opaete ikägüe reta; metei ave ikägüe ngaraa oñemopë.”
OASA VAE
“Yogüɨraja yave Jesús pe, oecha omano ma. Jaeramo mbaetɨ omopë itɨmaka.”
OYEMBOTENONDE VAE
“Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.”
(Zacarías 12:10)
OASA VAE
“Metei sundaro mii pe oikutu Jesús iyɨke, jare oë voi tugüɨ jare ɨ.”
OYEMBOTENONDE VAE
“Ojäa reta cheparavɨkɨ regua, omboepɨ reta cheve treinta reare korepoti pegua.”
(Zacarías 11:12, 13)
OASA VAE
“Jókuae doce jemimboe reta güi metei Judas Iscariote jee vae ojo sacerdote reta itenondegua reta ñogüɨnoia pe, jare jei chupe reta: ‘¿Mbae pa pemeeta cheve, amboeterenga yave Jesús peve?’ Jayave jae reta jei omee vaerä chupe treinta reare korepoti pegua.”
(Mateo 26:14, 15; 27:5)