Michia tu reta peguarä

¿Mbae regalopa ikaviete pemee vaerä pemichia retape? Oime jeta mbaembae jae reta güɨnoi vaerä, jaeko peaɨu, pemboarakuaa jare peyangareko jese reta. Ërei Jehová iarakuaa, Iñeepe oï vae, jaeko ikavi yae pepuere pemee chupe reta (Juan 17:3). Güɨnoi vaerä arakuaa, omborɨ oaɨu vaerä ipɨa reve jare omboete Jehová imichi güive (Mateo 21:16).

Jeta tu reta oecha imichia raɨ reta oikuaa katu oyemboe vaere, iyavaiä jare pukuä omongeta chupe yave. Jaeramo royerovia yae romee peve kuae kuatiarɨru jee vae: Bibliare chemboe vae. Kuae kuatiarɨru iyavaiäko tu reta omboe vaerä michia reta. Güɨnoi vi mojaanga ipuere vaerä oikuaa michia reta mboapɨ año güinoi vae ani michi katu vae. Yemboe ñavo iyapɨpe ñaväe yayapo vaerä. Agüɨye pemee pemichia oyuvanga jese vaerä. Kuae oyeapoko pepuere vaerä pemongeta pemichia reta ndive jare peñemomiari vaerä.

Rogüɨrovia jare roikuaako kuae kuatiarɨru ikaviete pemborɨ vaerä pemboe pemichia reta añetete vae Tumpa Iñee regua michi raɨ güive (2 Timoteo 3:14, 15).

Pehermano reta,

Cuerpo Gobernante de los Testigos de Jehová