Éxodo
3 Moiséspe nui sueroi upishameran ashipik misrik køn Jetró taik, Madiánwai sacerdote kuik køn. Kan kualøm, nø upishameran mu misak warap waraimøsrømay sruampen, tun Horeb taiksrø puik køn, ikpe ciertonik Tiuswai tun kuik køn. 2 Nun Jeupawai ángel kan tusr-unøyupe pilap pasrøpen tøpøtak kenamisrik køn. Trupe Moisés kan tusr-unøpe ke kømø naara pasraik ashipik køn. 3 Inchen Moisés trenchipik køn: “Na ashchai wa tusr-unø chincha naaramuik”. 4 Jeupape nepua ashipik køn nø pulu pasraik. Trupe Tius kan tusr-unø pulukutri wamapik køn: “¡Moisés! ¡Moisés!” cha. Nø løtapik køn: “Yu pasrar” cha. 5 Tiuspe trenchipik køn: “Ullupe kemallmøta cha. Ñi ñui alparkatismeran wesru, kakentø pirøpe newan tapik chishikwan itøpunap pasran” cha. 6 Katøle Tius trenchipik køn: “Ñui møskawaimpa, Abrahánwaimpa, Isaacwaimpa, Jacobwaimpa na Tius kur”. Incha Moisés nui maløwan kasrøpik køn kakentø cierton Tiuswan asamik kørik køpen. 7 Incha Jeupa trenchipik køn: “Nai misak Egiptosrø pusrkuai isup pøntrøpen na ashar, nømpe mur kui puraampup pøntraikkutri pusrkuai wamøpen na mørar. Nape nepua asha nøm latrø køtrø pusrkuai pøntrøpen. 8 Treekkutri pina attrur egipciosmerai taskukutri lelatsilø køntrai martrap, ik piraukutri sruamtrain yar, latrø tap pirøchiku lentø warøntrai ik pirøpe pitsøpa mielpa tøka pirø køn, ik pirøyu warapelø køn cananeosmera, hititasmera, amorreosmera, perizitasmera, heveosmera, jebuseosmerapa. 9 Pøs, Israelwai misakmera kiship wamøpen na mørar. Egipciosmerane nai misakmeran latrø trømpøik marøpelø kui nepua asik køn. 10 Møimpe, amø, na ñun faraónwaisrømay ørtrai inchar. Ñi Egipto pirausrønkutri nai misakmeran, israelitasmeran wesrailø køntrai martrur”.