10. Ángelesmera, Kuaimantsikmera Mumera Kui

1 ÁNGELESMERAPE JEUPAWAI YAUMPUILØ KØN

“Tiuswai ángelesmerape latrø nøtrø marøpelø kui Jeupawan maya nuken tap køn chip waminchikay” (Salmo 103:20).

¿Bibliape ángeleswaimpurø chi eshkapik kø?

• Job 38:4-7

  Pirøwan marmuatø Jeupape ángelesmeran mara pønsraik køn.

• Apocalipsis 5:11

  Latrø yamelø ángelesmera køn.

• 1 Pedro 1:11, 12

  Tiuspe Pirøwanpa misakmeraimpa tapchik køntrai isuikwan, srøtøkutri ángelesmerakucha nepua ashik kui inchipelø køn.

• Lucas 15:10

  Ángelesmerape Tiuswai misakmeran latrø nu isupelø køn.

2 ÁNGELESMERAPE TIUSWAI MISAKMERAN PURUKUPELØ KØN

“Jeupape nun køripala pøntrapelan trømpøik pumøntrai nui ángelwan ørøpik køn” (Salmo 34:7).

¿Ángelesmerape misakwan purukupelø kui nampe chincha nepua asa?

• Génesis 19:15, 16; Daniel 6:22; Lucas 22:43; Hechos 12:6-11

  Ángelesmerape purukuik køn Lotwan, Danielwan, Jesúswan, incha Pedron køpen.

• Hebreos 1:7, 14

  Jeupape nui misakmeran purukuntrai incha purømisrtrai ángelesmeran ørøpik køn.

3 KUAIKMANTSIKMERAPE NAMUN KAIK MARTRAP INCHIPELØ KØN

“Namun Satanás kegørrøsrk[eilø] [...] kømønrrab. Kaguende nambe tsabø ashibelø ker nøbe chitø martrab inchibig kuigwan” (2 Corintios 2:11).

¿Kuaimantsikmera mumera kø, namun chincha kaik martrap inchipelø kø?

• Apocalipsis 12:9

  Kan ángel Jeupawan mørøk kømui inchip mentik køn. Tru ángelwan Satanás cha wamik køn.

• Génesis 6:2

  Noé uñip uras, møilø ángelesmerape Tiuswan mørøk kømui inchip menta yu Piraumay køtrøtruik køn.

• Mateo 9:34

  Satanás mørøk kømui inchip menta tru ángelesmerakucha nuimpurø pøntraikkutri kuaimantsikmera misrik køn.

• Deuteronomio 18:10, 11

  Kuaimantsikmerape misakmeran peløsrkøntrap aship pøntran, chitrawa køpen kaik martrap inchipelø køn.

4 SATANÁSPA KUAIMANTSIKMERAPA KAIK MARMØNTRAI ÑIASIKTØWAI PURØMISR

“Nugwaimandzigwane mørmønrrab mur isua pønrrai, treeg pønrrøbene, ñimuinukkurrimbe lulrrun” (Santiago 4:7).

¿Satanáspa kuaimantsikmerapa kaik marmøntrai Jeupa ñun purømisrtraimpe ñi chi maramik kø?

• Hechos 19:19

  Piimailø, pishimarilø, kaik pønsrailø, kuaimantsikmeraimpurap marilø tøkakuape chish misrtrap petø. Ñi manaken ilan marmøta, chikøpen ik tapik lataik kenamarene wentøpasramik køn.

• Efesios 6:16, 18

  Biblian kusrewa ñui isupikwan Tiuswainuktø mur pasrøntrap mar, Tiuswan purømisrtra cha miau.

• Proverbios 18:10

  Nui munchin wamø, Jeupa.