12. ¿Tiuswai Tap Linchipelø Køntrappe Nampe Chi Martrap?

1 JEUPAWAI TAP LINCHIPELØPE NØ MAIK KARUIKWAN MØRA MARØPELØ KØN

“Nai wamwan møray, nape ñimui Tius køntrur. Incha ñim nai misakmera køntrun” (Jeremías 7:23).

¿Tiuswai tap linchipelø kømik cierton kø chintera?

• Génesis 22:18; Santiago 2:23

  Abrahánpe Tius maik taikwan kørewa møra marikkutri Tiuspa tap linchipik misrik køn.

• 2 Crónicas 16:9

  Jeupa nø maik taikwan mørøpelane purukuntrun.

• Salmo 25:14; 32:8

  Jeupape nui linchipelan kaløyu puraimuatø tap isua ashchai, latrø nu kusrepelø køntrai purukupik køn.

• Salmo 55:22

  Jeupape nui linchipelan tap esekantrun.

2 JOBPE JEUPAWAN TARØMISRMØ TAP LINCHIPIK KUIK KØN

“Øyeek pup atrintøkucha Job kaikwan marmuik køn, Tiuswan wamtøka kaløwan waminchimuik køn” (Job 1:22).

¿Satanás namappe Jobwan chi marik kø? ¿Øyeek pupen Job chi marik kø?

• Job 1:10, 11

  Jobpe Jeupawan untak chikeik nuimpuraptø isupik køn cha, trentaik køn Satanáspe.

• Job 1:12-19; 2:7

  Jeupape Satanáswan Job tøkakuilan patsøkøntrai puraipasik køn, trektøwai Satanáspe Jobwan latrø trømpøik kuantrø tranik køn.

• Job 27:5

  Job trømpøik kiship unamik pupen, nane chinchatre øyeek puira cha isuintøkucha, Jeupawan tarømisrmø møra marik køn.

3 ÑI JEUPAWAIKNUKKUTRI TARØMISRTRAI INTAN SATANÁSPE

“Møkpe chi tøkakuilan trantrun cha, nui øsik unikwan pinishimøntraptø” (Job 2:4).

¿Namui Jeupapa tap lintikwan trupishintraimpe Satanás chi marøpik kø?

• 2 Corintios 11:14

  Jeupawan mørmøntrai Satanás namun kekøtrøsrkøntrap asan.

• Proverbios 24:10

  Satanáspe namun sølkantelø kømuikkutri Jeupawayelan martrapkeilø kui namtøwai treek isuntrai intan.

• 1 Pedro 5:8

  Satanás namui wentautø pasrarøp atrun.

• Proverbios 27:11

  Jeupa maik taikwan møra mar, tarømisrmø tap linchipik køntrap inchi. Øyeek marene Satanás isaptik kui wepintrun.

4 NAMPE JEUPAWAN UNTAKTØKA KUA NØ MAIK KARUIKWAN MØRA MARER

“Tiuswan nam undaaraibe nui tru maig maramigwan martrai pønsrailan nam møra marig, truig køn” (1 Juan 5:3).

¿Jeupapa tap linchipik køntrappe ñi chi maramik kø?

• Deuteronomio 6:5

  Tiuswan untarau. Treek køpene nø maik karuikwan møra martrai purukuntrun.

• Isaías 48:17, 18

  Jeupa maik karuikwan møra mar. Treek marene ñui øsik uninuk tap intrun.

• Deuteronomio 30:11-14

  Jeupa ñun maramkeilane martrai miamøntrap kui kørewa pasrau.

• Filipenses 4:13

  Sølwan mar, treek marene Jeupa ñune mur pasrøntrai purukuntrun.