¡Yantø unø tøkamisran!

Abrahánpa Sarapa latrø yana kasherawar kua, Ursrønkutri nømui tap yawan pasra carpas yamerayu warøntrap ampamik pupen Sarape manchimø Jeupawan kørewa pasrapik kuik køn.

Sarape kan unø tøkakøntrap isupik kua Abrahánwan trentaik køn: “Nai karuintik mekapik Agarpa kan unø tøkamisrene nai lataitøwain køntrun cha”. Yanayupe Agar kan unø tøkamisra unane Ismael cha munchi pasrik køn.

Yana puraipen, Abrahánpe 99 pilamera Sarape 89 pilamera tøkaik køpen, pøn møkelø ashchap pupen Abrahánpe nømun isrøntraimpa mamik mantraimpa wamik køn. ¿Mumera kui nepua ashtitru? Ángelesmera kuik køn. Nømpe Abrahánwan trentaik køn: “Katø pilape ñipe ñui sraimpa kan unø tøkakøntrun cha”, inchen Sara umpusrø mørik pasrøwa intsø kui trenchipik køn: “¿Møyasrø unø tøkamisramikte?”.

Jeupawai ángelesmera maik taik katø pilayutø Sarape kan unø tøkamisren, Abrahánpe tru unane Isaac munchi pasrik køn kakentø Sara intsikkutri.

Isaac cinco pilamera tøkaik køpen, Ismael tsalø aship mentøpen, Sara tap kømui asha Abrahánwan trentaik køn: “Agarwanpa Ismaelwanpa namui yaukutri weera ør cha”. Srøtøpe Abrahánpe treekwan martrap isumupen Jeupape nun trentaik køn: “Ñui srai manchipen treekwan martra, Ismaelwane na asamøntrun cha, kakentø na ñipa martrap misrikpe Isaacwainukkutri puntrap køn cha”.