¿Jobpe mu kuik kø?

Kan ciuda Uz taiksrø, kan møk Job taik Jeupawan kørikpala adorapik tsupik kuik køn. Latrø pua møk køp, latrø yam yawelø tøkakøp, latrø tammay waachameran purukup, nømtelø keløkar køtrømisrøpelan purukup, trukutri urekmera møskaløkarwan purukup chinetø tapik marøpik kuik køn. ¿Treek marøp møkwan mur kualømmera pupik kuik kø chintera?

Jobpe nepua ashmuik køn kuaimantsikpe nun aship pasraik. Jeupape Satanáswan trentaik køn: “¿Jobwan nø kørikpala marøp pasrapikwan aship pasrøtitru? Latrø tap møra marøpik yu Piraupe nø lataikpe katøkane mu kaakøn cha”. Satanáspe Jeupawan trentaik køn: “Møra marøpik wain køn, kakentø ñi pirømera tranøp, ushamera tranøp, latrø nu tøkakøntrai tranikkutri… Inchawai ñi chishtø tranikwan ketrapene ñune adoramøntrun cha”. Inchen Jeupape trentaik køn: “Nø chishtø tøkakuikwan ketrau cha pero nui øsik unikwane ketramøta”. ¿Satanás Jobwan kepenøsrkøntrap inchai Jeupape chincha øyeek puraipasik kø? Kakentø Jeupa nepua asik køn Job nun manaken lelachimøntrap kui.

Satanáspe Jobwan kepenøsrkøntrap latrø trømpøik chikøpen marik køn. Kanpurappe, sabeosmera tailan niløntrai ørik køn warameran, torosmeran, burrosmerankucha. Trukutrimpe nak pilap menta upishameran chishtø patrøp, caldeosmera tailø camellosmeran chishtø nilinkarup, trukutri ushameran aship melapelan chishtø kuechip intik køn. Inchen más trømpøik puppe, Jobwai urekmera putrainuk yawan kepenøsrka mayelanpa kuetsik køn. Inchen Jobpe latrø isui pusrkuai wamisrinkucha Jeupawane wentøpasrmuik køn.

Satanáspe Jobwan más muriku puraintrai mara, latrø trømpø asr trerap pisrømera wetruntrai mara purø trømpøik pusrkuankaruik køn. Chincha øyeek purep pasraik ashmuinkucha, Jobpe katøkucha Jeupawane wentøpasrmupen, Tiuspe truikwan nepua asha latrø kasrak kui mørørai intik køn.

Satanáspe pøn møkelan ørik køn Jobwan kepenøsrkøntrai. Nømpe amtrua nun trentaik køn: “Ñi chikøpen kalø mara søra tøkakuintrun cha, treekkutri Jeupa ñun trømpøik puraintrai maran”. Jobpe trencha løtik køn: “Na chikucha kalø mara pasrømur cha”. Inchentø nun trentaikkutri isup mentik køn øyeek trømpøik kalø puntrai marøpikpe Jeupa kuitamap.

Kan matsinø Elihú taik chikucha chimø pasraptø trentaik køn: “Ñim sølwan waminchimøn cha, Jeupape latrø nuik kua, misakmera chikøpen murik kui pøntrøpen asha purukupik køn”.

Jeupa Jobpa wamincha trentaik køn: “¿Srømpalawanpa Pirøwanpa maren ñipe chu pasraik kø? ¿Chincha trenchiku na søl marmíik køn cha? ¿Tap ashmøtø chinchatre waminchiku?”. Jobpe trentaik køn: “Na kalø marik kui nepua ashar, Tiusmanta øyeek wamintikwan pesannatruntrik. Marikwane ñuimpurap palatø ashipik kua, møimpe sí más tap nepua ashar ñi Marampurap Marøpik kui”.

Nun lutøkutri trømpøik purayainkucha Jeupape katøyu metrap tøkakui lataikken kømø más tapelø mentraken tranøp, fácil kømuinkucha møra marikkutri yana øsik tsuntrai tranøp intik køn. ¿Ñikucha chikøpen purayaintøkucha Job latawai marøpsruku?