¿Nam kuaikkutrimpe chi puraipik kø?

Kan yawik kuapen ñi trupa isui pasrøwa øyeek paya mørik kuintrun: “¿Nam kuaikkutrimpe chi puraipik kera? ¿Nai yawikwan katøle asamik køntrauta?”. Ik kusrenaniku incha kusrenanik 30yupa trupurap Biblia manchipik kuikwan aship køntrun.

1. ¿Nam kuaikkutrimpe chi puraipik kø?

Jesús trentaik køn nam kuapen “kip lataik waramisrøpelø køn cha”. ¿Maik kera treekpe? Kan kip tsupikma nui pøtøkatanwan chi purep pasraikwan nepua ashmøn. Trektøwai kan misak kuapen, pusrkuai uñmøwai, isui uñmøwai inchipik køn. Biblia trenchipik køn “kuapeløpe chikucha nepua ashmøn” cha (leu Eclesiastés 9:5).

2. ¿Nam kuaikkutrimpe chi puraipik kuikwan ciertonikwan nepua ashene namun mantø purukupik kø?

Latrø nu misakmera kuamikwan, kuapelan kørik kui inchipelø køn. ¿Ñikucha kørik kui inchipik køtitru? Trupe kuapelaimpurap Biblia manchipik kuikwan nepua ashene, kørik kui inchimumik purukuntrun. Jesús trentaik køn: “Tru ciertoniibe ñimune iløsrkøbeløyugurri elatsiilø kønrrai martrun—cha” (Juan 8:32). Religionesmera møiløpe trenchipelø køn nam kuapen møsikpe køtrømisrøpik køn cha. Inchentø Bibliape treek kusrenanmøn. Kuapeløpe chi isumø warap, nepua ashmuikkutri namun chikucha trømpøikpe martrap kaimapelø køn; inchawai nømuimpurap rezamikken palømøwai, nømun tømpasra miamik kømøwai, nømun namisamtik kømøwai køntrun.

Møiløpe treek isupelø køn “kuapeløpa wamintamtik køn cha”. Pero isatø køn kakentø treekpe maramkeik køn, kakentø møi asimpala kuapeløpe chikucha nepua ashmøn. Inchawai, nømui kuapeløpa waminchipelø chipeløpe kuaimantsikmerapa waminchipkøn, kakentø kuaimantsikmerape namui kuapeløpa waminchip putraik kørenkarupelø køn. Nam kuapen chi puraipik kuikwan ciertonikwan nepua ashene, kuaimantsikmera namun kepenøsrkøntrap marinuk kepeñip pøntrømøntrap purukuntrun. Jeupape tør eshkaik køn “kuapeløpa waminchap inchimøtay cha”, kakentø Jeupape tap nepua ashipik køn kuaimantsikmerape namun chikøpen marøpelø kui (leu Deuteronomio 18:10-12).

3. Nam kuaikkutrimpe chi puraipik kuikwan ashkun

Pirø mupa kuimpurap misakmerape nam kuaikkutrimpe chi puraipik kuikwan pekmaytø kørepelø køn, pero nøm køreiløpe newan cierton kømøn.

• ¿Ñi tsuinuk kuapelaimpurap maik isupelø kø?

VIDEU: ¿Nam kuapen chi puraintrera? (pititø wesruik) (1:19)

Ley Eclesiastés 3:20, yu leinuk pinaku paílan waminchap:

• Ik versículo leimpala, ¿misakmeran kuaikkutrimpe chi puraipik kø?

• Kan misak kuapen, ¿nui møsikpe køtrømisrøpik kø chinta?

Bibliape waminchipik køn Jesúswai tap linchipik Lázaro kuaikwaimpurap. ¿Lázaro kuain tsupen Jesúspe mantaik kø? Ley Juan 11:11-14, yu leinuk pinaku paílan waminchap:

• ¿Jesúspe kuaikwan chipa lata marik kø?

• Øyeek lata marikpa, ¿kuapelaimpurap chi kusrentrap?

• Treek kui nepua asikpe, ¿ñipe manchintrap?

4. Kuapelaimpurap ciertonikpe namun nu purukupik køn

Kuapelaimpurap tru ciertonikwan nepua ashene, kuapelan kørik kui inchimøntrun. Ley Eclesiastés 9:10, yu leinuk pinaku paíkwan waminchap:

• ¿Trupe kuapeløpe namun chikøpen trømpøik martrauta?

Biblia ciertonikwan kusrenanikpe isa kusrenaniløyu køremøntrap purukuntrun, tru kuapelaimpurø rezamikwan, namishimøntrap maramikwan tru nømun adoramikwan. Ley Isaías 8:19 incha Apocalipsis 4:11, yu leinuk pinaku paíkwan waminchap:

• ¿Jeupa maik mørørai inchera tru kuapelan “purukutra cha” miapen?

5. Ciertonikwan nepua asikpe mentra isumøntrai purukupik køn

Misakmera kuapen nøm kalø marikkutri møra meløntrai ørøpik køncha, kusrenanøpelø køn. Inchentø treek kømuik nepua asikpe purø tap køn, kakentø munken, tru latrø kalø marøptelanken, treek marmíik køn. Ley Romanos 6:7, yu leinuk pinaku paíkwan waminchap:

• Biblia trenchipik køn “kan misak kuapen nui kaik marilan ulø payamik kømíik pesannaik køtrømisran cha”. Trupe, ¿kuapeløpe nøm kalø marikwan pakarap møra melapelø kø chinta?

Jeupa maik kuikwan nepua aship ampene, kuapelan treek trømpøikpe marmíik kui nepua aship amtrun. Ley Deuteronomio 32:4 incha 1 Juan 4:8, yu leinuk pinaku paílan waminchap:

• ¿Kan Tius øyeek tru kuapelan møra meløntrai marpashipik kø chintera?

• ¿Ñui isuinuk, kuapelaimpurap ciertonikwan nepua asikpe mentra isumøntrai purukuntrauta? ¿Chincha?

¿CHI KUSREKU?

Kan misak kuapen, nui øsik unikpe truyutø patsapik køn. Kuapeløpe kiship amøñimøwai, katøkanelan kuarøsrømøwai inchipelø køn.

Kusreikwan katøle isuntrap

• ¿Nam kuaikkutrimpe chi puraipik kø?

• ¿Nam kuaikkutrimpe chi puraipik kuikwan ciertonikwan nepua ashene, namun mantø purukupik kø?

• ¿Kuapelaimpurap ciertonikwan kusreikpe namun mentra isumøntrai chincha purukupik kø?

MAS NEPUA ASH

Biblia møsikwaipurap manchipik kuiwan ash.

“¿Kan misak kuapen nui møsikpe øsik uñipik kø chintera?” (jw.org yu pørilø)

Møiløpe isupelø køn tru “Tius kaik misakmeran infiernosrø kepusrøpik køn cha”. Pero, ¿cierton kø chintera?

¿Tiuspe kaik misakmeran infiernosrømay ørøpik kø chinta? (3:07)

¿Kuapelan kørik kui intamik kø chinta?

Espíritus de difuntos... ¿pueden ayudar a uno?, ¿o causarle daño? ¿Existen, realmente? (Folletu)

Kan møkwan kuapelaimpurap nepua kusreikpe mantø nun purukuikwan ash.

“Bibliayukutri øyeek tør maritre palaik kuik køn” (Asha Eshkapik, 1 febrero 2015wai)