Tørtø wamintik

Jesús nø chi marik

VIDEU: Jeupa namun tap waramik purukupik kui, kan kenamariktøka Jesús kusrenanik køn

1. VIDEUWAN ash kape Mateo 6:​25-27 leu. Trukutri pinaku paílan isu:

1. ¿Jeupa namun ashipik kui Jesús chi kemesra kusrenanik kø?

2. ¿Jesús illimeraimpurap nu ashipik kuintøkucha chincha øyeek latrø asiktøka wamintik kø? Incha, ¿ikpe chincha tap kusrenanik kuik kø?

¿Jesús kenamarikwaimpurap nampe chi kusrentrap?

2. Nam, misakmeran tørtø waminchene kusrenanilan pesannamøntrun, incha nømui mantrømeran kepatchun.

Jesús latawai mar

3. Mentra waminchimøta. Biblian kusrep wapikwan kan ciertonikwaimpurap chishtø eshkantrap inchimøta, masken pørin kilka ¡Manasrønkatik kasraktø uñchun! tainuk chi kusrenanikwantø eshkau. Biblian kusrep wapikwan paya mørape, nø løtamne tsøntatø munirau. Inchentø paíkwan løtøntrap kaimapen, kape Bibliayu pasrømíikwan pella løtøpen, nøasiktøwai løtikwan nepua ashchai más paíkmeratøka puruku. Inchen Biblian kusrep wapikwan tør køpene katøkanyu puraintrø.

4. Biblian kusrep wapik chi nepua ashipik kuikwan kuenta tøka ash, srøiktø kusrentrai puruku. Inchippa øsik kømikwaimpurap waminchip pølpasrtraptø, Biblian kusrep wapikwan nam kuapen chi puraipik kuikwan nø nepua asikwan katø isunan.

5. Chikøpen kemesra wamintiløtøka waminchappe tap asha kemør. Chikøpen kemesra wamintiløtøka waminchaptø paya mør:

1. “¿Na kemesra waminchaintikpe tør køntraptik kuita?”.

2. “¿Biblian kusrep wapik kemesra wamintikwan pestø metratrantrauta?”.

3. “¿Biblian kusrep wapikpe chi kusrentrentikwan isuntrauta kape kemesra wamintikwantø isuntrauta?”.