KUSRENANIK 7
Babel pirausrø Torre marik
Noéwai nusrkaløpe, nui sraløpa latrø yam urektøka misrik køn, yantø Diluvio chap purayainukkutri, Pirø ørø warøntrap ampup mentik køn, tru Jeupa maik karuik køpen.
Inchentø møiløpe Jeupawan mørmeløpe trentaik køn: “Yu kanpalatø waramisra kan ciuda markun, truyupe kan latrø pala torre srømpalasrønkatik puntrapik tøkaik, øyamay nøtreelø misra mumera kui mayelø nepua asilø køntrap cha”.
Jeupape chiken tap kømui asikkutri marpashmuik køn. Inchawai Jeupa nømui wamintikwan, ni chi wamintinken møramkeik marik køn. Treekkutri, misakmera ciudawan Babel cha wamik køn, kaken truyu pek pek wam waminchipelø misrikkutri. Yantø kanpalatø warøntrap kaima torren más marmøtø pek pirausrøntø warøntrap ampik køn. Inchentø, chu waraiksrømpe trusrønkucha chikøpentø trømpøik marøp ampik køn. ¿Treek misakmerai utu katøkucha Jeupawan untarapelø kuik kø chintera? Ikwan katøkan kusrenaninuk ashchap.
“Kaguen møikkøben nøasiitø ‘nuig kurmab’ isubigwane ka kørig martrun cha. Inchen nøasiitø ‘nuig kurmab’ isumíigwane ‘i møøbe si, nuig køn’ taig kønrrun— cha” (Lucas 18:14).