Latrø kaik reina castigon utik køn

Jezreelsrø rey Acab nui palacioyukutri, kan møk Nabot munchi taikwai uvas ellkuaikwan asha, nuyasik tøkakøntrap isua penøntrap intik køn. Inchentø Nabotpe yanmøntrap isuik køn, kakentø Jeupa maik karuiløyupe møskalainukkutri pirø utikwane yanmøntrai karuikkutri. Nabotpe sølwan maren, ¿Acabpe Nabot maik isuikwan mørik kø chintera? Kak. Acabpe latrø trømpøik nama, nui kuartoyu kepia mak kømuik intik køn.

Acabwai srai reina Jezabelpe latrø kaik kua trentaik køn: “Ñipe maya Israelwai rey køn, treekkutri ñi chi tøkakøntrap isuilane tøkakømtik køn, Inchawai, tru tulwan uta trantrumøn cha”. Incha tru ciudayu metrap aship pøntrapelan kan kilka pørik køn trenchipik: “Tru Nabotpe Tiuswan chikøpentø trømpøik taikkutri, sruktøka sølpetik kuantrain cha”. Inchawai, tru metrap aship pøntrapeløpe Jezabel maik taikwan treek marik køn. Trukutri Jezabelpe Acabwan trentaik køn: “Nabotpe kuain tsun, møimpe uvas waikpe ñuin køn cha”.

Jezabelpe Nabotwantø kømøtø, Jeupawan nu untarapelankucha kuetsik køn. Trektøwai nøpe taska marik tiusmeran adorap, chikøpentø latrø trømpøik marøpik kuikkutri, Jeupape trunun nepua ashipik kuik køn. Inchawai Jeupape Jezabelwan, ¿chi martrap kuik kø?

Acab yantø kuapen, yanayupe nui nusrkai Jehoram metrap aship karup pasramisrik køn. Inchen, Jeupape kan møk Jehú munchi taikwan ørik køn, tru Jezabelwanpa nui yawelanpa castigantrai.

Jehúpe, tru kaullimera sruin karruyu nepia, Jezabel tsuiksrø Jezreelsrømay ipen, Jehoramkucha katøntrap yaik køn. Jehúwan nepua ashape Jehorampe paik køn: “¿Ñipa nampa tap waramtik køntrauta cha?”. Inchen Jehúpe trencha løtik køn: “Ñui usri chikøpentø trømpøik marøp pasrainkatikpe, chiken tap waramkeik køntrun cha”. Inchen Jehorampe llirawa intrai-inchen, Jehúpe kan flechatøka sølkucha kuetsik køn.

Jehúpe tru palacioyu puntrap ipen, Jezabelpe attrap kui wam møra, nui maløwan pisha, pusrukwan tamara ya pa pisu tøkainuk, pala pentanayu pinaaship muniraik køn. Jehú pupen, Jezabelpe latrø trømpøik tsalø wamap utøpen, Jehúpe tru karuintik melapelan trentaik køn: “¡Pinasrø pinøkutsay cha!”. Inchen nømpe Jezabelwan kemøra pentanamay trapakuchen, pirausrø kuain penik køn.

Trukutrimpe, Jehúpe 70 Acabwai nusrkalan kuetchip, chu waraiksrø Baalwan adorap kuikwankucha pinisaik køn. Ikpe tørtø kenamaran, Jeupape chishtø nepua aship, kalø marøpelane pakarantrai marøpik kui.