KUSRENANIK 32

¡Tius Nø Aship Karup Waikpe srømpalasrø yantø karup wan!

Edición impresa

Srømpalasrø Tius Aship Karup Waikpe 1914 aship karup pølpasrik køn. Tru pilatøwai yu Pirau aship karup putrøntrapelai pinisailø kømikkucha pølpasrik køn, treek purayamik yana palømøn. ¿Treekwan chincha nepua asha kø? Møi ashchap, Biblia chi puraintrap kuikwan eshkaikwan tru 1914kutri chi pup mentikwan trektøwai misakmera mailø køntrap kuikwan.

1. ¿Biblia chi chap eshkaik kø?

Biblia tru libro de Danielyu chap eshkaik køn tru Tius Nø Aship Karup Waikpe “siete pilamera” puraipen pølpasrtrap kui (Daniel 4:16, 17). Yanasrø Jesúskucha trupurap wamintik køn trenchipen “tru nømui treeg maram kwalømmera patsamnegatiitø”, ikpe kenamaran Jesús trenchipen tru kualømmerape patsømøsrø kui (Lucas 21:14). Møi ashchap kuinuk, tru siete pilamerape 1914 patsøntrap kuik køn.

2. ¿1914kutri chi purep pasra incha misakmerape mailø kø?

Jesúswai pera uniløpe treek paya mørik køn: “Øyeebe mana purainrrab kui namun eshkarra cha. Katø ñi katøle arrumigwanba, yandø srabe kwaløm punrrabigwanba asamibe ¿chitø kenamisrtrerah?—cha” (Mateo 24:3). Jesúspe nømun treek løtik køn: na srømpalasrø aship karup wamisren chikøpentø puraintrun cha. Tru pek misakmerape katøkan pek misakmerapa kuayantrun cha, parø atrumpa, pirø køniløkucha atrumpa (leu Mateo 24:7). Trektøwai Bibliayu chap eshkaik køn misakmera mailø køntrap kui treekkutri “tabguen waramga kwalømmera attrab kui” taik køn (2 Timoteo 3:1-5). 1914kutri, mas nemisrøp atrik køn.

3. ¿Srømpala Tius Aship Karup pølpasren yu Pirau chincha mas trømpøik pup pasraira?

Srømpala Jesús Aship Karup wamisren, yanayu srømpalasrø trømpøik kuayaik køn, Jesúspa Satanás nui ángelesmerapa. Jesús kanaikkutri Biblia trenchipik køn: “[Satanáswane] nui kaig ángelesmeranbañau pirau pinøbusrig køn” cha (Apocalipsis 12:9, 10, 12). Inchawai yu Pirau trømpøik pup pasran. Kakentø Satanáspe latrø namik kui wan nun pinisamik yana palømuikkutri. Treek kuintøkucha Tius Nø Aship Karup Waikpe yu Pirau trømpøik pup pasrapikwan kutike tamartrun.

MAS NEPUA KUSREU

Ashkun chincha 1914srø Tius Nø Aship Karup Pasraik pølpasrikwan incha Tius yantø Aship Karup Waik kørewa pasraik ñi kenamaramikwan.

4. Bibliape trenchipik køn Tius Nø Aship Karup Waikpe 1914srø pølpasrik kui

VIDEUN asay.

VIDEU: Tius Nø Aship Karup Waikpe 1914srø pølpasrik køn (5:02)

Nabuconodosorwan tru rey Babiloniawai, Jeupa kan piaik tøkakøntrai marik køn. Tru wentøsrøwai chi puraintrapikwan kenamartrap. Ik piaimpurap Daniel mantaikwan Bibliayu lemtik køn. Ik piakpe tør kenamarøpik køn, tru Nabuconodosorwai aship karupwaimpurap trektøwai Tius Nø Aship Karup Waimpurapkucha (ley Daniel 4:17).a

Ley Daniel 4:20-26. Trukutri nøørø tarømariktøka paílan løtøntrap:

A) ¿Nabuconodosor nui pianuk chi asik kø? (Ash versículosmera 20, 21n).
B) ¿Tusrpa chi purep intrapik kuik kø? (Ash versículo 23n).
C) ¿Tru “siete pilamera” nemisren chi purep intrap kuik kø? (Ash versículo 26n).

Piain tusrpa Tius Nø Aship Karup Waikpa

METRAPSRØNKUTRI CHAP ESHKAIK (Daniel 4:20-36)

Aship karup waik

A) Kan tusr latrø palaik

Aship karup waik pasrampuik

B) “Tusrwan paraik” incha “siete pilamera puraipasay”

Tusr parinuk cobretøka tsantsøntøka pøtøkatan kitri.

Katøyu karup pølpasrik

C) “Ñipe katøyu aship karup wamisrtrun”

Nabuconodosorwan mantø nepuik kø:

D) ¿Tusrpe mu køntrap kuik kø? (Ash versículo 22n).
E) ¿Aship karup waikpe mana pasrampuik kø? (Ley Daniel 4:29-33).
F) ¿“Siete pilamera” puraipen chi purayaik kø? (Ley Daniel 4:34-36).

NABUCONODOSORWAN MANTØ NEPUIK KØ

Aship karup waik

D) Nabucodonosor, Babiloniasrø aship karup wapik

Aship karup pasrøpik Nabuconodosor trupa nuik kurmap mørøp pasran.

Aship karup waik pasrampuik

E) 606 Jesucristo mukapatøkutri Nabuconodosorwan tur minchen, siete pilamerakatik aship karup wantrap kaimaik køn

Nabucodonosor usha latawai pasto map pasran.

Katøyu karup pølpasrik

F) Nabuconodosorwan tur tammisren katøyu aship karup pølpasrik køn

Aship Karup pasrapik Nabucodonosor tasikmeran kusrau neeship pasran.

Israel karup putrapelan mantø nepuik kø:

G) ¿Tusrpe mumeran køntrap kuik kø? (Ley 1 Crónicas 29:23).
H) ¿Nøm aship karup putraikpe mana patsik kø? ¿Jesús yu Pirau uñip uras nøm aship karup putrømuik kui nampe mantø nepua asa? (Ley Lucas 21:24).
I) ¿Nøpe mana pølpasrik kø katø karup incha chu?

ISRAEL KARUP PUTRAPELAN MANTØ NEPUIK KØ

Aship karup waik

G) Israelwai aship karup putrapelan Tius nø asha wesruilan

Israelitaswai aship Karup putrapelø reyesmera. Tør pilapik nømuinpala pilap pasran.

Aship karup waik pasrampuik

H) 607 Jesucristo mukapatø Jerusalénwan pinishipen; Israelwai aship karup putrapeløpe 2.520 pilamera aship karup putrømuik køn

Jesucristo mukapatøsrø Jersusalénwan pachip pasran. Trukutri 2.520 pilamera puraipen.

Katøyu karup pølpasrik

I) 1914 pilasrø Tius Nø Aship Karup Wainuk Jesús aship karup pølpasrik køn

1914kutri Jesús srømpalasrønkutri Pirøwan aship karup wan tør pilapik nuimpala pilap pasran.

¿Bibliayupe siete pilamerape mayan kø?

Biblia nøtøwai tør marøpik køn. Por ejemplo, Apocalipsisyu wamintikpe pøn pilamera tøpøpape 1.260 kualømmera køn (Apocalipsis 12:6, 14). Truikwantøwai pamay maramuntisruantøpe 2.520 kualømmera køntrun. Kanmay Biblia waminchipik køn, kan kualøm kan pila kui lataik (Ezequiel 4:6). Trupe, siete pilamera Danielyupe wamintik: 2.520 pilamera køn.

5. 1914srønkutri mas trømpøik pup mentik køn yu Pirau

VIDEUN asay.

VIDEU: 1914srønkutri mas trømpøik pup mentik køn yu Pirau (1:10)

Jesúspe eshkaik køn yu Pirau maik køntrapik kuikwan nø aship karup mentøpen. Ley Lucas 21:9-11, yu leinuk pinaku paíkwan waminchap:

Yu leinuk chap eshkailøyukutri, ¿møilan asha kuku kape møra kuku?

Apóstol Pablope eshkaik køn misakmera mailø køntrap kui srape kualømmerasrø. Ley 2 Timoteo 3:1-5, yu leinuk pinaku paíkwan waminchap:

Yu maik køntrapelø kuikwan eshkaikwan, ¿ñipe møikwan asha kuku?

Collage: Yu Pirau chi purap pasraikwan kenamarøpik. 1. Kan militar tasik kusrua mur traship pasran. 2. Pirø kønikkutri yamera mintisailø. 3. Aviones militaresmerai. 4. Misakmera tapaboca pailø. 5. Nueva Yorksrø Torres gemelas kaik misakmera bombas kepushikkutri pilap pasran. 6. Kan møk. 7. Nui srawan kuttrap namik tasik kusrup pasran. 8. Pachipikpa kaik mømerapa. 9. Par ishumpurmera tap kømøtik vestik wa foto wesrup. 10. Kan dj latrø nu misakmeran conciertoyu metrap pera marøp pasran. 11. Kan møk misak utu chikøsrøn kuchip pasran.

6. Tius Nø Aship Karup Waik pølpasrik ashape treek kui kenamarkun

Ley Mateo 24:3, 14, yu leinuk pinaku paílan waminchap:

¿Chi tap lutøtre kenamara Tius Nø Aship Karup Waik pølpasrik kui?
¿Tru lutøyu purukuntrap ñipe chi martrap?

Tius Nø Aship Karup Waikpe srømpalasrø aship karup wan incha lamøtø palan yu Pirau karup pølpasrtrai. Ley Hebreos 10:24, 25, yu leinuk pinaku paíkwan wamichap:

¿Nampe chi martrap srape “kwaløm yandø pub arri ashabe”?

Pisilø: 1. Kan Biblian kusrep wapik Jeupawaiwan waminchipelai tuluntsuninukmay atrun. 2. Biblian kusrep wapiktøwai ñui ashikwan kusrenanøp pasran. — Ñi kusrep uninuk katøkanelan nømui øsik amønainuk purukuntraptik kui ashape, ¿ñipe chi martrap?

MØILØPE TREEK PAYIPELØ KØN: “¿Jeupawaiwan waminchipeløpe chinchatre 1914waimpurap waminchipelø kø? Cha”.

¿Trupurap ñipe chi chipsruku?

¿CHI KUSREKU?

Metrapsrønkutri Biblia chap eshkailø, yu Pirau purep pasraikpa kenamaran Tius Nø Aship Karup Waik pølpasrik kui. Treek purep pasraik kui asha, Tius Nø Aship Karup Waimpurap waminchip ampupelø ker, incha tuluntsuniksrømay ampupelø ker kungrekasiunpa.