“Ñi Aship Karup Pasraikwan yu Pirau trektøwai martrap amø”

Jeupape ikwan martrap misrik køn: “Incha nøbe nømui kappimeran kerrigu pinømørtrun cha. Inchen yandø kwamig kawei, kisamig kawei, wamab trasamig kawei, pusrkwabig kawein kønrrun chib. Kaguende merrab chi købiibe chab purayanʼ cha”.

Adánwanpa, Evanpa Jeupape Edén tulwan, latrø kasrak pishintø amøñintrai tranik køn. Nømpe nui Møskawantø adorap, Pirøwan netsøkantrap latrø yam urekmera tøkakøntrapelø kuik køn. Nøm Jeupawan møra marmuinkucha, nø martrap misrikwane yunømarmuik køn. Ik pørin kilkayu nepua asik køn, Tius martrap misrilane newan puntrai marøpik kui. Nø Aship Karup Waikpe yu Pirau latrø nøtrø tapelø srua attrun. Øyamay, Abrahánwan martrap misrikwan newan martrun.

Yanayutø, Satanáswan, nui kaik ángelesmeranpa, kaik misakmeranpa pinisailø køpen, mayeløpa Jeupawantø adorap køntrun. Yantø kuantrømisrmøwai, kuamøwai inchun. Kualømmørik kasrak kutrøntrun øsik amønaikkutri. Pirø latrø tapchik pasramisren, mamikmera, tap yamera tøkakøntrun. Kaik misakmera yantø kaapen tammay misakmeratø warøntrun. Kaumpu ushamera yantø kørik kui inchimøwai, namkutri nømunkucha kørik kui inchimøntrun.

Latrø kasrak køntrun Jeupa kuapelan øsiranen. Inchawai Abel, Noé, Abrahán, Sara, Moisés, Rut, Ester, David katøle øsirapen untaktøka nampe utøntrun. Nømpe ik Pirøwan latrø tapchik køntrai namun tamaram purukua, chikøpentø tapelø maramik tøkakøntrun.

Jeupape ñi Latrø Tap Pirøchiku tsuntrai isun. Truyupe Jeupawaimpurap manaken isuimeelan kusrentrun. Inchawai, ¡kualømmørik Jeupawan más kemallkun møyankutri manasrønkatik!