¿Tamara pasrapra?
¿Jeupawaiwan kungrekasiunpa waminchap intrap tamara pasrapra?
Ñipe tamara pasrøntrun piu umpu ulsrømuatø Tiuswaimpurap waminchipik køntrap, ilan marøp atrumik køn:
Kualømmørik Tiuswai Wamwan lep, Tiuspa waminchip incha kungrekasiunyu tuluntsuninukmay ipen.
Ñi kusrep yailan kørewa, nuik kui asha incha katøkanelan kusrenanøk kui inchen.
Jeupawan untarapen incha nun untarapelantøwai tap linchipelø køntrai lapen.
Políticasyukutri kape religionesmera ciertonikwan kusrenanmeløyukutri tarømisren.
Ñui øsik uninuk Tius maik karuilan maren incha Jeupawaiwan waminchipik køntrap isupen.
Kungrekasiunyueløpa Tiuswai Wamwan waminchap isup pasrøwape, ñun Biblian kusrenanøpikpe kungrekasiunyu metrap pera aship pøntrapelan waminchun. Nømpe ñipa waminchun yantø tamara pasrøtashchap ashchap.
¿Piu umpu ulsrøntrap tamara pasrapra?
Piu umpu ulsrøntraptø ilan marøp atrumik køn:
Kungrekasiunpa Tiuswai Wamwan yantø waminchip atruape.
Tiuswai Wamwan waminchap chu urastøkucha utø wesrup inchene.
“Karuindiig megabig” maik taikwan møra marøp atruape (Mateo 24:45-47).
Jeupawan ñui øsik unikwan trantrap kan oración chap marape, “Ñuyelan manakatikwai martrap cha”.
Yantø tamara piu umpu ulsrøntrap isup pasrøwape, ñun Biblian kusrenanøpikpe kungrekasiunyu metrap pera aship pøntrapelan waminchun. Nømpe ñipa waminchun yantø tamara pasrøtashchap ashchap.