Yames

2 N mabiisi, geele ya ti la dɛna nyɛɛma bɔ’ɔra ya, se’em ma’a ti wuŋerɛ to’ore to’ore paara ya, 3 se’ere n sɔi la ya mi ti ya sakerɛ wa wan basɛ ti ya tara la ŋmibega. 4 Ge ya san ŋmibe ta ba’asɛ, la wan kumesɛ ya mɛ ti ya puti’irɛ ana kasi sɛla woo poan ti ya kan koŋe sɛla. 5 Bala la ya se’em san pɔ’ɛ yɛm, a daana kɔ’ɔn sɔkera Naayinɛ ge a wan bo en, se’ere n sɔi la a bo’ori nɛra woo la yɛri yɛri ge ka zɛregera. 13 Gurebisɛ san paɛ nɛra, a da makɛ yeti: “Naayinɛ n guti mam bisera.” Se’ere n sɔi la nɛra kan ta’an dekɛ be’em yɛla gurɛ Naayinɛ bisɛ, a me ka guti nɛra bisera. 19 N mabiisi ti n nɔŋɛ wa, mina ya dena ti: “Nɛra woo nari ti a kɛlesa yetɔɣum kalam ge da zɛɛra yetɔɣum ge me da ita sunsɔa kalam, 20 se’ere n sɔi la asaala sunsɔa kan basɛ ti Naayinɛ tontɔɔ tuuma bɔna. 22 Tara ya yelesum la tuna tuuma. Ge da yeen kelese ya kelesego ma’a ge me da pã’asɛ yamea la putɛyooro. 23 Nɛra san yeen kɛlesa ge ka tari tuna tuuma, a ani wuu nɛra n bisera amea nɛŋa bisega poan. 24 A san bisɛ ba’asɛ ge keŋɛ, a ni kɔ’ɔn tamɛ eŋa n de nɛresɛka taaba la bilam bilam. 25 Ge se’em n zameseri lɔɔ la n faara nɛreba basa la soŋa soŋa ge me kelum bɔna bim la wan dɛna la mina n tari eŋa n kelese sɛla la tuna tuuma, a kan dɛna mina n wan kelese ge tamɛ; ge ti a puurɛ me wan pee la eŋa n iti bala la. 26 Nɛresɛka san ti’isɛ ti eŋa pu’useri la Naayinɛ ge ka tana a zɛleŋa tara soŋa soŋa, a pã’aseri la amea suure ge ti a pu’usegɔ la me dɛna zaŋa. 27 Pu’usegɔ seko n ani filam ge ka tara dɛɣerɔ to Sɔ Naayinɛ zɛ’an dela: to bisera kiibesi la pɔkɔpa la san wuna ba ge tara tomesi soŋa ti tingɔŋɔ wa dɛɣerɔ da taɛ tɔ.