2 Timoti

2 ge yelese’a ti n tɔɣɛ bo ho la ti nɛreba zo’e zo’e mina ti la dela yelemɛŋɛrɛ la, dekɛ yele ana tɔɣɛ bo nɛresɛba n tari sakerɛ ti bamam me kumesɛ ta’an pa’ala basɛba me. 15 Tiregɛ la ho paŋa za’a ta’an ita sɛla n wan basɛ ti Naayinɛ puurɛ pee la ho. Dɛna tuuntuna n ka zoti valum la ho tuuma ge kɔ’ɔn gurɛ yelemɛŋɛrɛ yelesum la soŋa soŋa. 20 Yikãtɛ poan duka lɔɣɔrɔ zo’e zo’e n boi bim. Ba dekɛ la sanlema la sanlenpɛɛla maalɛ basɛba ge dekɛ dɔɔrɔ la yɔɣerɔ me maalɛ basɛba. Ba tari basɛba ita la sɛla n tari na’asegɔ ge tara basɛba me ita sɛla n ka tari na’asegɔ. 21 Ge sɛba n yese bamea yelese’a n ka tari na’asegɔ poan la, wan ana wuu lɔkɔ ti ba tara tuna na’asegɔ tuuma ti ba welege en, ti a bɔna a to’ore be’em tuuma poan ana kasi ka tara dɛɣerɔ ge tara nyuurɔ bo a daana ti a maasum ka gura tuunsoma woo. 22 Bala la yese homea bunbilipaalemen kunkoma’asum yooro poan ge dɔla tontɔɔ tuuma, sakerɛ, nɔŋerɛ la suma’asum ge dekɛ homea laɣum la sɛba n tari suure n ani kasi yi’ira Daana la. 24 To Daana la yameŋa ka nari ti a zabɛ ge a nari ti a dɛna nɛremama bɔ’ɔra nɛra woo, kumesɛ ta’an pa’ala, nyɔkera amea ba san tue en, 25 ge tara suure mama pa’ala sɛba n ka boti sɔsega la. Daanse’ere Naayinɛ wan soŋɛ ba ti ba tee ta’an basɛ ti ba tara yelemɛŋɛrɛ mi’ilum la,