1 Korint

5 Mam Paul dela ani? Ge ti Apolos me dɛna ani? Tomam yeen dɛna la tuuntuneba n tuni to Daana la tuuma, ti tomam zuo ti ya tara sakerɛ. 6 Mam burɛ mɛ ti Apolos basɛ ko’om ge Naayinɛ n basɛ ti la zɔ’ɔra, 7 bala, la daɣɛ mina n burɛ bii mina n baseri ko’om la n eŋɛ sɛla gee Naayinɛ n basɛ ti la yɛsera la. 8 Ge se’em n burɛ la, la se’em n baseri ko’om la tuunɛ dela tuun yinɛ. Ge Naayinɛ wan yɔ ba ayima woo yɛsera la sɛla la sɛla ti ba tum. 9 Se’ere n sɔi la to dela Naayinɛ tuuntuna tadaandoma. Yamam dela Naayinɛ va’am, Naayinɛ deo. 10 Wuu Naayinɛ n zu’usɛ mam se’em la, mam daa biŋe la ɛ̃berɛ wuu tuuntuna n kumesɛ bo ayima ti a mɛta. Ge basɛ ti mina woo n mɛti la bisɛ amea soŋa la eŋa n mɛti ka zuo se’em la.