1 Peter

5 Bala la, wuu mam me n de keema ge nyɛ namesegɔ seko ti Krista nyɛ ge me pa’asɛ gilema seko n wan wa’ana la, mam kpemese keendoma la n boi ya poan la yeti: 2 Biseri ya Naayinɛ piisi la n boi ya nu’usin la, dɛna ya bisegadoma, daɣɛ pɛregerɛ zuo ge yese ya suure poan tuna bɔ’ɔra Naayinɛ; daɣɛ ti ya nɔŋɛ la kinkisum lɔɣɔrɔ zuo ge ya tuna la pupeelum; 3 da tari ya kpe’eŋo daana Naayinɛ nɛreba la ge tuɣum tari ya makesonɛ bɔ’ɔra piisi la. 7 dekɛ ya putɛyiila bo en, se’ere n sɔi la a fabeli ya yele mɛ. 8 Kɔ’ɔn maasum ya ge me pigera! Ya dima, Kolekpabɛ’a la, eeri mɛ wuu gbeɣenɛ n uureni ɛɛra nɛra ti a obe. 9 Ge de ya sɛba n wan tara sakerɛ ge sɛ ze’ele soŋa soŋa zabɛ la en, la ya mi ti ya mabiisi n boi tiŋa wa zuo me nyɛti la namesegɔ seto ti yamam me nyɛta wa. 10 Ge ya san namesɛ fii wa ba’asɛ zu’usegɔ za’a Naayinɛ la, se’em n yi ya wa’an a daarewoo gilema la poan laɣum pa’asɛ Krista poan, eŋa amea n wan kumesɛ ya ba’asɛ. A wan basɛ ti ya kpe’em, a wan bo ya paŋa, a wan basɛ ti ya zɛ’a kankaŋi.