Daniel

28 Ge Naayinɛ n boi saazuo la n Liligere suɣulum yɛla. A basɛ mɛ ti Naba Nabukadnezar baŋɛ yelese’a n wan tum dabesa la ba’asegɔ poan. Ho zaaseŋɔ la liligere se’a ti ho nyɛ se’em ma’a ti ho gã’a ho gɔregɔ zuo la n wana: 31 “O naba ho daa biseri mɛ ta nyɛ wɔ̃nɛ n ze. Wɔ̃nɛ wa daa karegɛ mɛ ge nyɛgera zi’a ho nɛŋa ge ti de tara dabeem. 32 Wɔ̃nɛ la zuo daa dela salema, ti a nyuɔ la a nu’usi dɛna salempɛɛlega ti a sia la a gɛya dɛna nyɔɣum, 33 a nama daa dela kuto ge ti a nadibisi la me dɛna kuto la yɔɣerɔ. 34 Ho daa biseri ta nyɛ la kugere n wɛkɛ ti la daɣɛ la nɛra n wɛkɛ dɛ n wa’ana ŋmɛ wɔ̃nɛ la nadibisi la n de kuto la yɔɣerɔ la ti de wɔ̃rɛ. 35 Bala ti kuto la yɔɣerɔ la yɔɣum la salempɛɛlega la salema la za’a daa wɔ̃rɛ ana wuu urugo n ni gã zɛ’an ti ba yɛɛla ki ti kusebego ni wa’ana pee ba keŋɛ ti to ka le nyɛ ba se’em la. Ge kugesɛka n wɛkɛ wa’an ŋmɛ wɔ̃nɛ la, lebege la zoore kãtɛ n pĩrɛ tingɔŋɔ wa. 44 “Nadoma bamam saŋa la, saazuo Naayinɛ wan sɛ na’am n kan makɛ sa’am. Ti nɛra kan soe na’am wa. Ka wan sa’am ge ba’asɛ na’am sɛba woo n boi la ge ti kaŋa ma’a kɔ’ɔn zɛ’a wuusa,