Isaiah

11 Ge yamam pa’asɛ la sɛba n zaɣeseri Yehowa, Sɛba n tameni mam zilam zoore la yele, Sɛba n maalɛ teebule ze’ele bo Zusoŋɔ yinɛ, La sɛba n gɛregɛ daam ka’ara pita kɔpidoma poan bɔ’ɔra Pa’ala yinɛ. 13 Bala la, Sɔ’ɔlum Za’adaana Yehowa n yele sɛla n wana: “Bisɛ! Mam yamesi wan di ge kom wan tara ya. Bisɛ! Mam yamesi wan nyu ge konyuuro wan tara ya. Bisɛ! Mam yamesi wan tara pupeelum ge vi wan di ya. 14 Bisɛ! Mam yamesi wan vɔɔla la pupeelum se’ere n sɔi la ba suure ani la mama ge la wan wuna ya ti ya kaasa ge ti ya kɛla ya susa’aŋɔ la zuo. 17 Bisɛ ya! Mam naani la saazuo paalega la tinpaalega; Ti ya kan le tɛra yelekɛɣesi la, Ba me puɣum kan le bɔna ya suuren. 21 Ba wan mɛ yɛa ge kɛ̃’ɛra a poan, Ba me wan sele daam tiisi ge di si wɔla. 22 Ba kan mɛ ti ayima soe kɛ̃’ɛra, Ba me kan burɛ ti basɛba soe dita. Se’ere n sɔi la mam nɛreba dabesa wan ana wuu tia dabesa la, Ti mam n loe nɛresɛba la wan tara pupeelum la bamesi nu’usi n tum sɛla. 23 Ba kan tum kpe’eŋo kpe’eŋo basɛ yoo, Bii ba dɔɣɛ kɔma ti wuŋerɛ paɛ ba se’ere n sɔi la, Yehowa n kã bo bamam la ba yaasi. 25 Saseŋa la pebila wan laɣum ɔbera yaama, Gbiɣenɛ wan ɔbera yaama wuu lɔlega la Ge ti bunsɛla dita tontɔnɔ. Ba kan dekɛ daaŋɔ bii sa’aŋɔ paɛ mam zilam zoore la zuo,” Yehowa n yele se’em n bala.