Yon

11 Eŋa n tɔɣɛ yele ana ba’asɛ la, a le tɔɣɛ yeti: “To zɔ Lazarus gã gisa mɛ ge mam ye mɛ ti n ta niɛ en.” 12 Podɔleba la yele en yeti: “To Daana, a san gisa a wan nyɛ imma’asum.” 13 Ge Yezu tɔɣeri la a kum la yele. Ge ti bamam ti’isa ti a sirum tɔɣeri la nɛra n giseri yele. 14 Ti Yezu nyaa kɔ’ɔn yele ba peelum yeti: “Lazarus ki mɛ, 21 Ti Marta lebese Yezu yeti: “N Daana, ho san boi ni kalam, mam tã wa kan ki ni. 22 Nananawa mam mi ti sɛla woo ti ho soke Naayinɛ, Naayinɛ wan bo ho.” 23 Yezu lebese en yeti: “Ho tã la wan isige.” 24 Ti Marta lebese en yeti: “Mam mi ti ba’asegɔ dabesa la poan, a wan isige kum isigere la poan.” 25 Yezu lebese en yeti: “Mam n de kum isigere la vom la. Se’em n tari sakerɛ bɔ’ɔra mam san puɣum ki, a wan le voe; 26 ti se’em woo n vɔi ge tara sakerɛ bɔ’ɔra mam kan makɛ ki. Hon sakɛ yeledena wa? 38 Ti Yezu n le si’im ba’asɛ la, a wa’an la yɔɔ la zɛ’an na. Yelemɛŋɛrɛ, la yuun dela taŋa yoko ti kugere lĩ ka. 39 Yezu yeti: “Bilige ya kugere la sa.” Marta, se’em n ki la tã la yele en yeti: “Daana, wana ma’a a puɣum fɛ̃’ɛra mɛ, la dela dabesa anaasi zina.” 40 Yezu yele en yeti: “N ka yele ho ti ho san sakɛ ho wan nyɛ Naayinɛ nyalema la?” 41 Ti ba bilige kugere la. Ti Yezu bisɛ saazuo ge yeti: “N Sɔ, mam pu’usɛ hɔ la hon kelese mam wa. 42 Yelemɛŋɛrɛ, mam mi ti ho ni kɛlesa mam mɛ; ge mam tɔɣɛ la nɛrekuuŋɔ wa n ze kaɛ mam la zuo, la wan eŋɛ se’em ti ba sakɛ ti hon tum mam.” 43 Se’em ma’a ti a daa tɔɣɛ yele ana ba’asɛ la, a daa tɔɣɛ la kpe’eŋo kpe’eŋo basɛ sa yeti: “Lazarus, yese na!” 44 Buraa la n ki la yese me na ti a nama la a nu’usi bobe la tanɛ ti a nɛŋa bobe la tanɛ. Yezu yele ba yeti: “Lorege ya en ge basɛ ti a kena.”