Yon

2 Ti dabesa atã daarɛ la pɔɣedire de’eŋo n daa boi Kana n boi Galilee tiŋa poan, ti Yezu ma daa bɔna bim. 2 Ba me daa beem Yezu la a podɔleba la mɛ ti ba wa’an pɔɣedire de’eŋo la poan na. 3 Se’em ma’a ti daam la daa pɔ’ɛ la, Yezu ma daa yele en yeti: “Ba ka tari daam.” 4 Ge Yezu daa yele en yeti: “Pɔka wa, bala pakɛ mam la hon la wani? Mam saŋa nan ka paɛ.” 5 A ma daa yele sɛba n tuni la yeti: “Eŋɛ ya sɛla woo ti a yele ya ti ya eŋɛ.” 6 Nananawa kuga ko’om duɣerɔ n daa boi wuu Yudadoma duusego malema wara n pa’alɛ se’em la, dukɔ woo ko’om ta’an paɛ wuu duɣerɔ mɛntɔ bayi bii batã ko’om. 7 Yezu yele ba yeti: “Eŋɛ ya ko’om pirɛ duɣerɔ la.” Ti ba kɔ’ɔn eŋɛ ko’om pirɛ ba. 8 Ti a nyaa yele ba yeti: “Nananawa kãbegɛ ya basɛba ta bo de’eŋo la bisegadaana.” Ti ba kãbegɛ ta bo en. 9 Se’em ma’a ti de’eŋo bisegadaana la daa furegɛ ko’om la n nyaa lebege daam la ge ka mina bu ze’ele zɛ’an na la (la boi bim ti yamesi la n daa kãbegɛ ko’om la mi mɛ), de’eŋo bisegadaana la daa yi pɔɣedita la mɛ 10 ge yele en yeti: “Nɛra woo ni tari la dãsomɔ la wa’an yia na, ti nɛreba san nyu buge, ti ba nyaa tari dãsebo n ka ba’ɛ ana soŋa la na. Hon dekɛ dãsomɔ la ze’ele ta paɛ nananawa.” 11 Yezu daa tum wana wa la Kana n boi Galilee tiŋa poan ti la dɛna la sɛla n deŋɛ nɛŋa a yelekirisi la poan, a me daa basɛ ti a gilema n niɛ peelum, ti a podɔleba la daa tara sakerɛ bɔ’ɔra en.