Hebru

10 Lɔɔ la dela yelesoma se’a n ye na la yilinyiligo ge la daɣɛ yɛla la n sirum n ani se’em. Bala zuo la, sɛba n paari Naayinɛ zɛ’an la san kelum ita kaabegɔ yinɛ yuunɛ woo, bala kan basɛ ti ba dɛna ma’a. 24 Basɛ ya ti to ti’isa taaba yele, tara nɔŋerɛ la tuunsoma 25 ge me da vi’ira zamesegɔ wuu basɛba n iti se’em la ge to tuɣum kpɛmesa taaba giila yele yele wuu dabeserɛ la n pɔ̃ri la. 26 To san tara yelemɛŋɛrɛ mi’ilum la ge mina fii kelum tuna be’em, kaabegɔ seko ka boi n wan basɛ to yelebe’ero la bo to. 35 Bala la, da dekɛ ya, ya sukpe’ene la basɛ se’ere n sɔi la, ba wan yɔ ya yɔɔrɛ kãtɛ. 36 La nari ti ya ŋmibera, la wan eŋɛ se’em ti ya san tum Naayinɛ n boti se’em la ba’asɛ, ya wan nyɛ pu’ulumbiŋa la n wan tum tuuma se’em. 37 Se’ere n sɔi la, “la gee fii wa” ti “se’em n yeti a wa’ana la paɛ ya, la me kan yue.” 38 “Ge mam tontɔɔdaana sakerɛ n wan basɛ ti a vɔna” ge “ti a san viise lebe pooren, mam puurɛ kan pee la en.” 39 Ge tomam daɣɛ nɛresɛba n leberi pooren ti to nyɛ sa’aŋɔ ge tomam dela nɛresɛba n tari sakerɛ ti to wan nyɛ vom.