1 Nadoma

7 Naba la nyaa yele yelemɛŋɛrɛ Naayinɛ la nɛra yeti: “Doose mam kule ta nyu ko’om ge ti n bo ho bo’olum.” 8 Ge yelemɛŋɛrɛ Naayinɛ nɛra la yele naba la yeti: “Hali ho san puɣum puregɛ ho lɔɣɔrɔ pusuka bo mam, mam kan doose ho keŋɛ ta nyu ko’om bii n di dia kalam. 9 Se’ere n sɔi la, Yehowa n bo mam nɔɔrɛ ti: ‘Da nyu ko’om bii ho di dia bii ho le doose sarɔseko ti ho doose keŋɛ la lebe.’” 10 Bala ti a nyaa tee doose sarɔɔ ayima kule ge ka le doose sarɔseko ti doose keŋɛ Betel la. 14 Ti a doose yelemɛŋɛrɛ Naayinɛ nɛra wa pooren ta nyɛ en ti a zĩ la tikãtɛ tiŋa. Ti a soke en yeti: “Hon de yelemɛŋɛrɛ Naayinɛ nɛra la n ze’ele Yuda tiŋa na la?” Ti a lebese yeti: “Ɛɛ, mam bala.” 15 Ti a yele en yeti: “Doose mam kule yire ta di.” 16 Ge a yeti: “Mam kan ta’an sakɛ ho beeŋo wa doose ho lebe kule bii ta di dia bii nyu ko’om la hɔ tinkana wa poan. 17 Se’ere n sɔi la Yehowa yele mam yeti: ‘Da nyu ko’om bii ho di dia bilam. Da le doose sarɔseko ti ho doose keŋɛ la lebe na.’” 18 Bala ti a yele en yeti: “Mam me dela nɔdɛ’ɛsa wuu hon la, maleka n tɔɣɛ Yehowa yelesum bo mam yeti, ‘Basɛ ti a doose ho lebe ho yire na di ge nyu ko’om.’” (A pã’asɛ en mɛ.) 19 Ti a doose en lebe kule ta di ge nyu ko’om a yire. 20 Ba daa zĩ dita la, Yehowa daa tɔɣɛ bo nɔdɛ’ɛsa la n tari en lebena la mɛ, 21 ti a yele yelemɛŋɛrɛ Naayinɛ nɛra la n ze’ele Yuda la kpe’eŋo kpe’eŋo yeti, “Yehowa n yele se’em n wana: ‘Hon kpirɛ tuba zaɣesɛ Yehowa yelesum la ge me ka doose Yehowa ho Naayinɛ la nɔɔrɛ la 22 ge lebe ta di ge nyu ko’om zɛsɛka ti ba bo nɔɔrɛ ti, “Da nyu ko’om bii ho di dia,” bala zuo, ba kan laɛ hɔ ho sɔyaabedoma yɔɔrɔ la poan.’”