Yames

10 Mabiisi, basɛ ya ti Yehowa nɔdɛ’ɛsadoma la n yuun nyɛ namesegɔ ge ŋmibe se’em la dɛna makesonɛ bɔ’ɔra ya. 11 Bisɛ ya! To bisɛ ti sɛba woo n nyaŋɛ ŋmibe la tari la pupeelum. Ya wum Yob ŋmibega la yele ge me nyɛ Yehowa n yuun eŋɛ sɛla bo en pooren ti la pa’alɛ ti Yehowa tari la giile la nimbɔzore. 14 Nɛra n boi ya poan bɛ̃’ɛra? Basɛ ya ti a yi tansugere keendoma la ti ba zusɛ bo en, sɔ̃ en kaam Yehowa yu’urɛ poan. 15 Sakerɛ nɛreba wa zusega wan basɛ ti se’em n bɛ̃’ɛri la bã’a basɛ ti Yehowa basɛ ti a isige. Leyɛ’ɛsa, a san tum la be’em a wan nyɛ sugeri dia. 16 Bala la, kɔ’ɔn puta ya, ya be’em bɔ’ɔra taaba ge zusa bɔ’ɔra taaba, la wan eŋɛ se’em ti ya nyɛ tibegɔ. Tontɔɔdaana zusega tari la paŋa. 17 Eliya yuun dela asaala wuu tomam n ani se’em wa ge eŋa n yuun zusɛ la ninmɔ’ɔrɛ ti saa da ni la, saa yuun sirum ka ni tiŋa la poan yuuma atã la ŋmaresi siyoobe.