Kolose

5 Bala, sa’am ya yelese’a n boi tiŋa wa zuo ti ya inya bɔta ti ya ita la, la wan eŋɛ se’em ti yalumtuuma, dɛɣerɔ tuuma, ga’aregɔ poan kunkoma’asum ti ya ka ta’an nyɔkera yamea, kunkoma’asum be’ero la nyika n de baɣa kaabegɔ la, kan nyaŋɛ ya. 8 Ge nananawa la nari ti ya dekɛ yele ana wa za’a waabi basɛ; sukãberɛ, sunsɔa nyiisum, yelebe’ero, tuurɛ ge me da tɔɣera yetɔɣepɔ̃’ɔsa. 9 Da pareni ya bɔ’ɔra taaba. Yese ya halɛ kɛka la, la de itigo la basɛ. 10 Dekɛ ya halɛ paalega la yɛ, sɛla n bala ti yelemɛŋɛrɛ mi’ilum la kɔ’ɔn basɛ ti ka ana paalega 12 Bala la, yamam n de nɛresɛba ti Naayinɛ loe la, dɛna zilam ge me tara nɔŋerɛ la, dekɛ ya giile fuo, itisoŋɔ fuo, sirege n mea fuo, nɛremama fuo la sugeri fuo yɛ. 13 Kɔ’ɔn ŋmiberi ya bɔna la taaba bala ge yese ya suure poan dita sugeri bɔ’ɔra taaba hali nɛra san puɣum tara yele la a tadaana. Wuu Yehowa n yese a suure poan di sugeri bo ya se’em la, yamam me nari ti ya ita bala. 14 Yele ana za’a pooren la, dekɛ ya nɔŋerɛ yɛ wuu fuo la, se’ere n sɔi la, la wan basɛ ti ya tara nɔyinɛ n di mi’a. 15 Leyɛ’ɛsa, basɛ ya ti Krista suma’asum la bisera ya suya se’ere n sɔi la, ba daa yi ya wa’an la suma’asum kaŋa inya ayina poan. Eŋɛ ya pa’alɛ ti ya puurɛ pee mɛ. 16 Basɛ ya ti Krista yelesum la kɔ’ɔn bɔna ya poan zo’e ti ya pirɛ la yɛm. Kɔ’ɔn pa’ali ya ge kpɛmesa ya taaba giila la yuuma, pɛɣeri ya Naayinɛ, yuuna vo’osum yuuma la pupeelum, yese ya suure poan yuum bo Yehowa. 20 Kɔma wa, nana ya dɔɣereba sɛla woo poan ge wana n ani soŋa bɔ’ɔra to Daana la. 23 Sɛla woo ti ya ita, eŋɛ ya dɛ la ya suure za’a wuu ya iti bɔ’ɔra la Yehowa la ge daɣɛ nɛreba, 24 se’ere n sɔi la ya mi ti Yehowa zɛ’an ti ya wan to’e lɔɣevaatɔ la. Tum ya bo Kpɛ’ɛma la, Krista.