Liligere

2 Mam nyɛ mɛ ge bisɛ! yiiri pɛɛlega ti se’emdaana n bã ka la, daa zali la tãhɔ ge ti ba dekɛ muŋa vuge en ti a yese ta zabera nyaŋera ge ta nyanɛ ba’asɛ. 3 Sansɛka ti a daa lakɛ gaasega sɛka n pa’asɛ buyi la, mam daa wum la bunvɔ’a sɛka n pa’asɛ buyi la n yeti: “wa’ana!” 4 Ti a yima yese na dɛna yemɔlega ti ba daa dekɛ paŋa bo se’em n bã’arɛ yeho wa ti a dekɛ suma’asum fɔregɛ tingɔŋɔ la zuo la wan eŋɛ se’em ti ba kuura taaba. A me daa dekɛ la sukãtɛ bo en. 5 Sansɛka ti a daa lakɛ gaasega buta la, mam daa wum la bunvɔa sɛka n pa’asɛ buta la n yeti: “Wa’ana!” Ti mam daa nyɛ mɛ ge bisɛ! yesabega n wana ge ti se’em n bã ka la daa zali la maɣesega bayi a nu’o poan. 6 Mam daa wum la sɛla n wɔni la kɔa n ze’ele bunvɔɔsi sinaasi tiŋasuga n yeti: “Witi witi lapika dela denarius ti mui lapiɣisi sitã dɛna denarius ge da sa’am ya Olive kaam, la daam la.” 7 Sansɛka ti a daa lakɛ gaasega bunaasi la, mam daa wum bunvɔa sɛka n pa’asɛ bunaasi la n yeti: “Wa’ana.” 8 Ti mam daa nyɛ ge bisɛ! yepuka ge ti se’em n daa bã ka la yu’urɛ dela kum. Ti yɔɔ daa kɔ’ɔn dɔla ka du’a du’a, ti ba daa bo ba kpe’eŋo ti ba sɔna tingɔŋɔ wa lɔɣa anaasi la ge tara suwoko kuura la dipɔ’ɔsegɔ la bãyaalega la goo dusi n boi tiŋa wa zuo.