1 Korint

8 Ge ba’asegɔ za’a la, a daa niɛ amea pa’alɛ la mam ti la ana wuu ba dɔɣɛ mam la kãserɛ. 9 Mam n pɔ’ɛ tuuntuneba la za’a poan ge ti la me ka nara ti ba yi’ira mam tuuntuna se’ere n sɔi la, mam daa namesɛ Naayinɛ tansugere la mɛ. 10 Ge Naayinɛ zu’usegɔ zuo ti mam dɛna mam n de sɛla wa. Eŋa n zu’usɛ mam se’em la ka basɛ yoo ge mam tum tuuma gaŋɛ ba za’a mɛ; la daɣɛ la mam mea paŋa ge la dela Naayinɛ zu’usegɔ la n boi mam poan. 21 Wuu nɛra ayima zuo ti nɛreba kiira se’em la, bala mea nɔɔ ti nɛra ayima zuo, nɛreba wan ta isige kum poan. 22 Wuu Adam zuo ti nɛra woo kiira la, bala mea nɔɔ ti nɛra woo wan nyɛ nyɔvore Krista zuo. 23 Ge nɛra woo la a saŋa: Krista n de didiiŋa la nyaa bɔ’ɔra sɛba n doli Krista a san ta bɔna a saŋa la poan. 24 Leyɛ’ɛsa, ba’asegɔ la, a wan dekɛ Na’am la bo Naayinɛ n de a Sɔ la, bala ma’a ti a sa’am gɔmɛt woo mɛ la kpe’eŋo woo la paŋa woo. 25 A wan dɛna Naba sɔna bisera ta paɛ se’em ma’a ti Naayinɛ dekɛ a dindoma eŋɛ a natalen. 26 Ti kum n de ki’i dima la, kan le bɔna. 27 Naayinɛ “n basɛ ti sɛla woo ga’arɛ tiŋa a natalen.” Ge eŋa n yeti ‘a basɛ ti sɛla woo ga’arɛ tiŋa’ la niɛ peelum pa’alɛ ti Minadaana n basɛ ti sɛla woo ga’arɛ tiŋa la mea ka pa’asɛ bim. 28 Ge se’em ma’a ti sɛla woo ga’arɛ tiŋa bo en ba’asɛ la, Dayɔa la mea nyaa wan ga’arɛ tiŋa bo Minadaana n basɛ ti sɛla woo ga’arɛ tiŋa bo en la, la wan eŋɛ se’em ti Naayinɛ dɛna sɛla woo bo nɛra woo. 33 Da basɛ ya ti ba pã’asɛ ya. Zɔtɔ be’ero sa’ani la halesoma. 57 Ge to pu’usɛ Naayinɛ la eŋa n bo’ori to nyaŋerɛ dɔla to Daana Yezu Krista poan la! 58 Bala la, n mabisonɔ wa zɛ’a ya kankaŋɛ da miina ya, ni kɔ’ɔn tuna ya to Daana tuuma la zo’e zo’e ge mina ti ya ka tuni baseri la yoo Daana la poan.