Tooma

15 Nananawa buraasi basɛba n daa ze’ele Yudea wa’ana ge pɔsɛ pa’ala mabiisi la yeti: “Ya san ka ŋma wuu Moses n pa’alɛ se’em la, ya kan ta’an nyɛ fãarɛ.” 2 Ge bamam la Paul la Banabas n daa nyaɣesɛ taaba ge ŋmɛ nɔkpe’ene ba’asɛ la, ba daa eŋɛ maaseŋɔ ti Paul, Banabas la nɛreba la basɛba keŋɛ tuuntuneba la, la keendoma la n boi Yerusalem la zɛ’an ta sɔsɛ yele la. 12 Bala ti nɛreba la za’a daa ana suram ge ti ba daa pɔsɛ kɛlesa Banabas la Paul ti ba tɔɣɛ pa’alɛ yelenyalema la yelekirisi la ti Naayinɛ doose bamam poan tum bo tisi la. 13 Ba daa tɔɣɛ ba’asɛ la, Yames tɔɣɛ yeti: “Buraasi wa, n suurɔ, kelese ya mam. 14 Simeon tɔɣɛ soŋa soŋa pa’alɛ Naayinɛ n eŋɛ se’em pɔsɛ ŋmɛregɛ a puti’irɛ bo tisi la ti a ta’an nyɛ nɛreba siɣɛ ba a yu’urɛ la. 15 Wana me kɔ’ɔn makɛ la Nɔdɛ’ɛsadoma la yelesum la, wuu la gulesɛ yeti: 16 ‘Yele ana wa pooren mam wan lebena ge mɛ David yire la n lui la; N wan le mɛ ku daboto la ti ku le bɔna, 17 la wan eŋɛ se’em ti nɛresɛba n gee la ta’an naɛ la tisi la nɛreba laɣum ãaregɛ bamesi ɛ Yehowa, nɛreba ti ba tara a yu’urɛ la yi’ira ba, Yehowa, se’em n iti yele ana wa n yele se’em n bala, 18 ti ba mina a yele diimi na.’ 23 Ba daa gulesɛ la wana ge dekɛ tum ba yeti: “Tuuntuneba la, la keendoma la, n de ya mabiisi la n gulesɛ wana bɔ’ɔra mabiisi la n boi Antiok, Siria, la Silisia sɛba woo n boi tisi la poan la: To pu’usɛ ya me na! 24 To wum ti sɛba daa ze’ele la to poan wa’ana ge daa daam ya la bamam n tɔɣɛ sɛla la, ɛɛra ti ba burum ya puti’ira ge tomam daa ka pa’alɛ ba ti ba eŋɛ bala, 25 to ku la nɔɔrɛ buyina ti to tum buraasi ti ba doose la sɛba ti to nɔŋɛ wa n de Banabas la Paul, 26 buraasi n pɔ̃segɛ ba nyuurɛ to Daana Yezu Krista yu’urɛ zuo. 27 Bala la to tum la Yudas la Silas, la wan eŋɛ se’em ti ba tɔɣɛ yele ana nɔɔ ba nɔɔren. 28 Bala la, zilam vo’osum la, la tomesi ka boti to le malum dekɛ zeero zɛ ya, san daɣena la yelese’a n ba’ɛ pakɛ wa ma’a n de: 29 kɔ’ɔn yese yamea sɛla ti ba kaabɛ bo baɣa la ziim la duŋa ti ba kɛɣɛ ku la yalumtuuma poan. Ya san yese yamea yele ana za’a poan, la wan ana ya soŋa. Ya wan tara imma’asum!” 30 Bala la ba daa keese buraasi wa la, ba daa keŋɛ sige la Antiok ge daa laɣesɛ nɛreba la za’a nyaa dekɛ gɔŋɔ la bo ba. 31 Ti ba daa kaalɛ ba’asɛ la, ba puurɛ daa pee mɛ la ba nyɛ giilekpemesego la. 36 Dabesa ase’a pooren ti Paul la Barnabas yeti: “Nananawa basɛ ti to lebe ta kaɛ mabiisi la n boi tiŋa woo ti to daa mɔɔlɛ Yehowa yelesum bo ba la, ta bisɛ bamam n ani se’em.” 37 Barnabas daa kɔ’ɛ a puyi’irɛ ti a basɛ ti Yon se’em ti ba yi’ira Mark la doose. 38 Ge Paul daa ka boti a basɛ ti a doose ba keŋɛ se’ere n sɔi la, a tabelɛ basɛ ba mɛ Pamfilia poan ge daa ka doose ba keŋɛ ta tum tuuma la. 39 Wana poan ti ba eŋɛ sunsuya, nyabɛ taaba, bala zuo la, ba daa yelege mɛ; ti Barnabas doose Mark zom ɔɔreŋɔ keŋɛ Kiprus.