1 Korint

6 Yamam poan ayima san tara nɔkpe’ene la a tadaana, ya ni zom la kootin ta zi’a be’emdoma nɛŋan ge puɣum ka keŋɛ zilamdoma la nɛŋan? 2 Bii ya ka mi ti zilamdoma la n wan gãkɛ tingɔŋɔ la? Yamam san wan gãkɛ tingɔŋɔ la, yamam ka kumesɛ wan ta’an gãkɛ yelepiɣisi wa? 3 Ya ka mi ti to wan gãkɛ malesi? Beni n sɔi ti ya kan ta’an gãkɛ yelese’a n pakɛ ya vom poan? 4 Ya san tari yɛla ya vom poan n nari maalegɔ, ya zeem la burase’esi n boi tansugere la poan ti ya loe ba ti ba dɛna gãkereba la? 5 Mam tɔɣeri ti n basɛ ti vi nyɔkɛ ya. Yɛmdaana ayina me ka boi ya poan n wan ta’an gãkɛ a mabiisi yɛla? 6 Ge mabia tuɣum tari la a mabia zɔna kootin ta zi’a sɛba n ka tari sakerɛ nɛŋan! 7 Bala, la dela nyanɛ bɔ’ɔra ya, ya san tɔɣera giisa taaba kootin. Beni n sɔi ti ya kan sakɛ ti nɛreba tue ya? Beni n sɔi ti ya kan sakɛ ti ba fã ya? 8 Ge yamam n tuɣum tuura ge fãara hali la ya mabiisi! 9 Ge ya ka mi ti be’emdoma kan kɛ̃ Naayinɛ Na’am la poan? Da basɛ ya ti ba pã’asɛ ya. Nɛresɛba n de yalumdoma, baɣakaaberiba, pɔɣedisa’aŋɔdoma, buraasi n gã la taaba bii burasɛba n sakɛ ti ba ita ba bala, 10 nayiɣeba, sɛba n nyiɣeri, dabugeriba, sɛba n tuuri nɛreba la nɛrefaareba kan kɛ̃ Naayinɛ Na’am la poan. 11 Ge ya sɛba daa ani la bala. Ge ba pee ya mɛ ti ya ana filam; ba basɛ ti ya ana la fa’a; ya dela tontɔɔdoma to Daana Yezu Krista yu’urɛ la poan la to Naayinɛ vo’osum la poan. 17 Ge se’em n laɣum la Daana la n de se’em n naɛ la en bɔna vo’osum poan. 18 Zɔ ya yalumtuuma poan! Be’em woo ti nɛra tuna boi la a inya wa yiŋa ge se’emdaana n tuni yalumtuuma tuni la be’em giisa amea inya.