Yooma

119 Pupeelum boi mɛ la sɛba n ka tari tuure ba itigɔ poan la, sɛba n nani Yehowa lɔɔ la. 34 Bo mam bɔkerɛ, La wan eŋɛ se’em ti n ta’an dɔla ho lɔɔ la Ge dɔla dɛ la n suure za’a. 37 Ŋmɛregɛ n nini wa ti n da bisa yeleyaalesi; Basɛ ti n vɔna ge bɔna ho sore la zuo. 49 Tɛra hon tɔɣɛ sɛla bo ho yameŋa la Ge bala n basɛ ti ho bo mam beere sa’am puti’irɛ. 50 Wana n buɣeli mam suure la san wuna mam, Ho yetɔɣum la n basɛ ti mam vɔna. 51 Zɛkɛ n meadoma la kɔ’ɔn ɛ̃regera mam mɛ Ge mam kan malum basɛ ho lɔɔ la dɔlega. 52 O Yehowa, mam tɛ̃ri ho gãkerɛ yɛla la ti ho bo diimi diimi sa la mɛ, Ba me buɣeli la mam suure. 59 Mam geeli n mea bisa mɛ la wan eŋɛ seem ti n ta’an ŋmɛregɛ lebe ho pa’alegɔ la poan. 60 Mam ka guuni, mam iti la kalam kalam ti n dɔla ho pa’alegɔ la. 63 Sɛba woo n zoti ho La sɛba woo n doli ho nɔya la, dela ho zɔdoma. 97 Bisɛ mam nɔŋɛ ho lɔɔ la se’em! Mam ti’isɛ taɣesa ku mɛ dabeserɛ woo poan. 105 Ho yelesum la dela kania bo mam nama Ge dɛna nɛɛsum bo mam n sore zuo. 113 Mam yaɛ sɛba n ka dekɛ ba suure za’a pu’usa hon la mɛ Ge mam nɔŋɛ ho lɔɔ la mɛ. 160 Ho yelesum la za’a dela yelemɛŋɛrɛ, Ti ho tontɔɔ gãkerɛ yɛla la za’a me bɔna bala wuusa. 165 Nɛresɛba n nɔŋɛ ho lɔɔ la tari la suma’asum zo’e zo’e; Sɛsɛla ka boi n wan ta’an basɛ ti ba pirɛ lui. 167 Mam doli ho pa’alegɔ la mɛ Ge me nɔŋɛ ba paa. 168 Mam doli ho nɔya la ho pa’alegɔ la mɛ, Ho mi sɛla woo ti mam ita mɛ. 176 Mam eeri nyaara mɛ wuu pesego n bɔregɛ la. Ɛ ho yameŋa wa. Se’ere n sɔi la, mam kan malum tamɛ ho nɔɔrɛ la.