Epesus

3 “La n wan eŋɛ se’em ti la ana soŋa bɔ’ɔra ya ge ti ya ta’an vɔi yue tingɔŋɔ wa zuo.” 4 Sɔdoma wa, da vɛɣelena ya, ya kɔma ge dekɛ ya Yehowa tubedɔlegerɛ la a pa’alegɔ la ugera ba. 11 Dekɛ ya zaberɛ lɔɣɔrɔ la ti Naayinɛ dekɛ bo ya la za’a yɛ, la wan eŋɛ se’em ti ya ta’an sɛ ze’ele Saɣena la pã’asegɔ yɛla poan; 12 se’ere n sɔi la, to ka zaberi mɛ la inganɛ la ziim ge tomam la gɔmɛtdoma, kpɛ’ɛndoma, bisegadoma n boi tingɔŋɔ lika wa poan la bunbɛ’ɛsi n boi saazuo sa la n zaberi. 13 Bala la, dekɛ ya zaberɛ lɔɣɔrɔ la ti Naayinɛ dekɛ bo ya la za’a yɛ, la wan eŋɛ se’em ti ya ta’an zabɛ be’em daarɛ la, ti sɛla woo san ta ba’asɛ ya ta’an sɛ ze’ele kankaŋi. 14 Bala la, sɛ ya ze’ele soŋa soŋa ge dekɛ yelemɛŋɛrɛ siganɛ la lu ya sia ge yɛ tontɔɔ nyu’ɔ tɛ’ɛlega la, 15 ge pire ya taɣera maasum ya nama ti ya mɔɔlɛ suma’asum yelesoma la. 16 Deni za’a pooren la, dekɛ sakerɛ zaba tɛ’ɛlekãtɛ la, bala ti ya wan ta’an dekɛ gu be’emdaana la nyabega pɛɛma la ti a tɛɛra la. 17 Leyɛ’ɛsa, vuge ya nyɔvore faarɛ zuwanɛ la ge zãla vo’osum su’a la n de Naayinɛ yelesum la, 18 ge dekɛ ya zusega la beleŋo biŋere a nɛŋa saŋa woo doose vo’osum la poan. Bala kɔ’ɔn pigera saŋa woo ge bɛlena bɔ’ɔra zilam nɛreba la za’a. 19 Zusɛ ya bɔ’ɔra mam me, ti n san ya’ɛ n nɔɔrɛ n mina mam n wan tɔɣɛ se’em, la wan eŋɛ se’em ti n ta’an tɔɣɛ la sukpe’ene basɛ ti nɛreba baŋɛ zilam suɣelum yelesoma la, 20 yele sɛka zuo n sɔi ti mam soe tuna ti ba gba mam la kuto la. Ge n wan tɔɣɛ la sukpe’ene wuu mam n nari ti n tɔɣɛ se’em la. 21 Nananawa, la wan eŋɛ se’em ti ya ta’an baŋɛ n yele ge mina la ani mam se’em la, Tikikus n de mabia ti n nɔŋɛ a yele la ge me dɛna yelemɛŋɛrɛ tuuntuna to Daana la poan la wan basɛ ti ya baŋɛ sɛla woo. 22 Bala zuo ti mam tum en ti a wa’an ya zɛ’an na, la wan eŋɛ se’em ti ya baŋɛ la ani to se’em ge ti a ta’an buɣelɛ ya suure.