Yames

2 To za’a waabi tuuri mɛ saŋa zo’e zo’e. Nɛra san ka tuura yetɔɣum poan, a daana ani la kasi ge me ta’an tara a inya za’a soŋa. 3 To san dekɛ gareŋerɛ lɛ yiiri nuurɛ ti ba nana tɔ, to me gu’uri la ba inya la za’a. 4 Le bisɛ ya ɔɔreŋɔ kãra: La boi bim ti ba kãregɛ mɛ ti sabeeo kãra lɔbera ŋmɛ̃’ɛra ba yɛ’a ge nɛra n ne dekɛ vugure mɔna ba tara ba yɛ’a eŋa n boti ba keŋɛ se’em. 5 Bala mea nɔɔ ti zɛleŋa la me dɛna lɔɣepika n boi inya la poan ge me tɔɣera tiɣera. Bisɛ ya bugum fii n ni laŋɛ tãɛ gookãtɛ se’em! 6 Zɛleŋa la me dela bugum. Zɛleŋa la ze’ele bo la be’em tuuma n boi to inya lɔɣɔrɔ la poan se’ere n sɔi la, ku ni gãlum inya la za’a mɛ ge ni kɔ’ɔn laŋɛ nɛra vom basɛ bugum poan. La me dela Gehenna n ni laŋɛ bugum la. 8 Ge nɛra kan ta’an malehɛ zɛleŋa la. Ku tari la pɔɣeleŋɔ la be’em kena na ge me kɔ’ɔn pirɛ la yabega n tare kum kena na. 17 Ge yɛmsebo n ze’ele saazuo la, yia, la ani la kasi, nɔŋɛ la suma’asum, tari la bɔkerɛ, nana bɔ’ɔra, kɔ’ɔn pirɛ la nimbɔzore la tuunsoma, ka gãsera nɛreba ge ka tara niɣum niɣum.