Epesus

4 Bala la, Mam n de se’em ti ba paɣɛ to Daana la zuo la, n belene ya mɛ ti ya kena sore sɛka n makɛ la ba n yi ya sɛla zuo la, 2 tari ya sirege n mea la sumama la sudi’isego ge ŋmiberi ya tara nɔŋerɛ bɔ’ɔra taaba, 3 tiregɛ ya la ya kelum tara putɛyinɛ la ti vo’osum la bo ya la ge tara suma’asum sebo n basɛ ti ya tara nɔyinɛ la. 4 Inya ayina n boi ti vo’osum buyina bɔna wuu ba daa yi ya wa’ana ti ya tara beere sa’am puti’irɛ ayina la; 5 Daana ayina n boi, sakerɛ ayina, ko’om musega ayina; 6 Naayinɛ ayina n de sɛla woo Sɔ, eŋa n sɔi nɛra woo, a me ta’an dekɛ nɛra woo tum tuuma ge ti a paŋa la me ta’an tum nɛra woo poan. 15 Basɛ ya ti to tɔɣera yelemɛŋɛrɛ ge me tara nɔŋerɛ. Bala wan basɛ ti to nyɛta nɛŋa tɔlega sɛla woo poan ge ana wuu Krista n de zuodaana la. 22 Ba daa pa’alɛ ya ti, ya dekɛ halɛ kɛka la n kɔ’ɔn makɛ la ya sareŋɔ kɛka la basɛ. Kunkoma’asum be’ero n sa’am halɛ kaŋa basɛ. 23 Ya nari ti ya kɔ’ɔn ana paalega, ya tari halesɛka ya puti’irɛ poan, 24 ge me yɛ halepaalega la ti ba naam ka doose Naayinɛ puti’irɛ n boti sɛla tontɔɔ tuuma la yelemɛŋɛrɛ poan. 25 Bala la, nananawa ti ya basɛ pumpɔreŋɔ la, ya za’a nari ti ya tɔɣera yelemɛŋɛrɛ bɔ’ɔra taaba se’ere n sɔi la, to yele pakɛ taaba mɛ. 26 Ho sunsɔa ta’an nyie ge da tum be’em; da basɛ ti ho sunsɔa nyie bala ta paɛ yinlure; 28 Basɛ ti se’em n zuure la basɛ zũa; ge tuɣum basɛ ti a tum tuunkpe’eŋo, tara a nu’usi tuna tuunsoma, la wan eŋɛ se’em ti a nyaŋɛ bo sɛba n ka tari la. 29 Da basɛ ya ti yetɔɣepɔ̃’ɔsa ze’ele ya nɔɔren na ge tɔɣera sɛla ma’a n ani soŋa ge kpɛmesa giila wuu la san pakɛ, ta’an tara nyuurɔ bɔ’ɔra sɛba n keleseri la. 31 Yese ya, ya poan sɛla woo n de daaŋɔ, sunsɔa, sunsɔkiilega, nyabega, la yetɔɣepɔ̃’ɔsa la sɛla woo n pɔɣeleni. 32 Ge iti ya taaba soŋa, tara nimbɔzore, yese ya suure poan dita sugeri bɔ’ɔra taaba wuu Naayinɛ me n doose Krista poan kɔ’ɔn di sugeri bo ya se’em la.