Matu

4 Ti vo’osum la tari Yezu keŋɛ pɔɣetia la poan ta basɛ ti Saɣena gurɛ en bisɛ. 2 Eŋa n daa lu nɔɔrɛ dabesa pinaasi bulika la yu’uŋɔ za’a ba’asɛ la, a kom n daa duni. 3 Ti Gurebisɛdaana la paɛ a zɛ’an na yele en yeti: “Ho san dɛna Naayinɛ dayɔa, tɔɣɛ bo kuɣa wa ti ba lebege boroboro.” 4 Ge a lebese yeti: “La gulesɛ yeti: ‘Asaala ka vɔi la boom ma’a zuo ge a vɔi doose la yetɔɣum woo n ze’eti Yehowa nɔɔren na.’” 5 Ti Saɣena la tari en keŋɛ zilam tiŋa la poan ge basɛ ti a ze’ele pu’usegɔ deo la zuin zuin sa 6 ge yele en yeti: “Ho san dɛna Naayinɛ Dayɔa, dekɛ homea basɛ tiŋa ge la gulesɛ yeti: ‘A wan bo malesi la nɔɔrɛ hon zuo,’ ti ‘ba dekɛ ba nu’usi gurɛ ho la wan eŋɛ se’em ti ho na’arɛ kan ŋmɛ kugere.’” 7 Yezu yele en yeti: “Leyɛ’ɛsa la gulesɛ yeti: ‘Da gurɛ Yehowa ho Naayinɛ la bisɛ.’” 8 Ti Saɣena la le tari en keŋɛ zoore n ba’ɛ wɔɣɛ zuo ge pa’alɛ en tiŋa wa na’am la woo la bu som. 9 Ge nyaa yele en yeti: “Hon san ku’ure tiŋa pɛɣɛ mam, n wan dekɛ bamam za’a bo ho.” 10 Ti Yezu lebese en yeti: “Keŋɛ sa Sitaana wa! La gulesɛ yeti: ‘La dela Yehowa ho Naayinɛ la n nari ti ho pu’usa la me dela eŋa ma’a n nari ti ho tuna bɔ’ɔra.’” 11 Ti Saɣena la basɛ bim ge bisɛ! Malesi n wa’an a zɛ’an na ge pɔsɛ tuna bɔ’ɔra en. 17 Kɔ’ɔn ze’ele sankaŋa yɛ’ɛsa, Yezu pɔsɛ mɔɔla yeti: “Tee ya ge saazuo Na’am la vurege lɛm mɛ.” 23 Ti a nyaa ɛ Galilee tiŋa la za’a, kena ba zamesegɔ deto poan pa’ala ba ge mɔɔla Na’am la yelesoma ge tibera bã’asi to’ore to’ore la sɛba woo inya n ka bari la.