Luke

21 Nananawa eŋa n daa biseri la, a daa nyɛ la buntateba la n tari ba bo’olum basera ligeri daɣesi la poan. 2 A nyaa daa nyɛ la pɔkɔ̃ɔrɛ n naseri ti a dekɛ ligekɔba piɣisi ayi n ka ba’ɛ tara tuulum eŋɛ bim, 3 ti Yezu nyaa yeti: “Yelemɛŋɛrɛ ti n yɛta ya ti pɔkɔ̃ɔrɛ wa n de nasa wa bo gaŋɛ ba za’a waabi mɛ. 4 Se’ere n sɔi la bana la za’a dekɛ la sɛla n gee ba zɛ’an la bo ge pɔka wa la a nɔŋɔ la za’a dekɛ la eŋa n tari sɛla woo la eŋɛ bim.” 9 Leyɛ’ɛsa, ya san wum zaberɛ la gbiregere yɛla, da basɛ ya ti ya paleŋa ɛ̃ɣera. Yele ana wa nari ti la eŋɛ yia ge ba’asegɔ la kan wa’an bilam bilam na.” 10 Ti a yele ba yeti: “Tisi wan zabɛ la tisi ge ti nadoma me wan zabɛ la nadoma. 11 Tinmiiŋo wan bɔna ge ti dipɔ’ɔsegɔ la bãyooro me wan bɔna zɛ’ɛsi to’ore to’ore; ge ti yɛla n tari dabeem wan bɔna ti yelenyalema me ita saazuo. 12 “Ge ti yele ana wa woo nyaa eŋɛ la, nɛreba wan nyɔkɛ ya ge mɛlesi ya ge dekɛ ya keŋɛ zamesegɔ deto poan ge paɣa ya. Ba wan tari ya keŋɛ nadoma la gɔmɛtdoma zɛ’ɛsi mam yu’urɛ la zuo. 20 Ge, ya san ta nyɛ ti pɛɛntɛɛreba kaɛ Yerusalem tiŋa basɛ tiŋasuka, mina ya ti la kan yue ge ti sa’aŋɔ paɛ ka. 21 Bala, la sontii, sɛba n boi Yudea tiŋa poan la zɔ keŋɛ zɔya bɔba sa, basɛ ti sɛba n boi ka poan la yese ge ti sɛba me n deŋɛ yese tiŋa la poan la da lebe bim. 24 Su’a la n wan ku ba ge ti ba nyɔɣɛ ba ti ba dɛna yamesi keŋɛ tisi la poan; tisi la wan nɛ Yerusalem takum takum ta paɛ se’em ma’a ti sansɛka ti ba loe bo tisi la ba’asɛ. 26 Dabeem la yelese’a n wan eŋɛ tingɔŋɔ wa zuo la wan basɛ ti nɛreba lige se’ere n sɔi la, saazuo paŋa la wan miim. 28 Ge yele ana wa san ta pɔsɛ ita, isige ya ze’ele ge gorege ya bisɛ saazuo se’ere n sɔi la, ya fãarɛ pɔ̃ri mɛ. 34 Tari ya yamea soŋa soŋa ti ya suure da bɔna diisum la daam nyua, la tiŋa wa zuo yɛla poan, la wan eŋɛ se’em ti dabeserɛ la da kɔ’ɔn di’e ya. 35 Tiŋa wa zuo ba’asegɔ daarɛ la yeti la ana wuu bɛ̃regɔ ti ba bɛ̃rɛ nɛra woo tiŋa wa zuo la. 36 Ti’iseri ya daanse’ere daarɛ ti n wan lebe na ge pu’useri ya daarewoo. Bala ti ya wan ta ta’an sɛ ze’ele soŋa soŋa ya san ta nyɛta yele ana wa woo. Ge ya wan ta ta’an ze’ele Asaala Dayɔa nɛŋan ti a gãkɛ ya.