Luke

15 Ti a nyaa yele ba yeti: “Pikɛ ya nini ge bisɛ yamea soŋa nyika yɛla poan, se’ere n sɔi la nɛra san puɣum tara lɔɣɔrɔ zo’e zo’e, daɣɛ a lɔɣɔrɔ la ti a tara la n bo’ori en vom.” 16 Bala ti a bo ba makerɛ yeti: “Buntata ayima samanɛ n daa maalɛ soŋa. 17 Ti a nyaa pɔsɛ ti’isa ti, ‘N nyaa wan eŋɛ la wani la mam n ka tari zɛ’an n wan biŋe n dia wa?’ 18 Ti a nyaa yeti, ‘N wan eŋɛ la wana: N wan gbi n bãya la ge tee mɛ bunkãra ge nyaa dekɛ n dia la n lɔɣɔrɔ la eŋɛ bim 19 ge nyaa yele n mea yeti: “Ho tari la lɔɣesoma zo’e zo’e n gã gura yuuma zo’e zo’e; ma’ɛ homea, di, nyu ge tara pupeelum.”’ 20 Ge Naayinɛ yele en yeti, ‘Gberego wa, yu’uŋɔ wa ba eeri la ba dekɛ ho vom ho zɛ’an. Ani n nyaa wan sɔna lɔɣeseto ti ho bɔ biŋe la?’ 21 Tɔ, la ani la bala la nɛresɛka n bɔ lɔɣɔrɔ bo amea ge daɣena buntata Naayinɛ zɛ’an.” 32 “Pigile pika wa, da zoti ya dabeem, se’ere n sɔi la, ya Sɔ sakɛ mɛ ti a wan bo ya Na’am la. 47 Yameŋa sɛka n bɔkɛ a kpɛ’ɛma la n boti sɛla ge ka maasum bii ka eŋɛ a kpɛ’ɛma la n boti sɛla, ba wan ŋmɛ en la kafɛbesi zo’e zo’e. 48 Ge yameŋa sɛka n ka bɔkɛ ge sina ge eŋɛ sɛla n nari kafɛbesi ŋmɛ’a, ba wan ŋmɛ en fii wa. Yelemɛŋɛrɛ, se’emdaana woo n to’e lɔɣɔrɔ zo’e zo’e, ba wan ɛɛra lɔɣɔrɔ zo’e zo’e a zɛ’an ge ti se’emdaana ti ba dekɛ en ti a bisera lɔɣɔrɔ zo’e zo’e la, ba me wan ɛɛra lɔɣɔrɔ n zo’e gaŋɛ ze’ele a zɛ’an.