Hebru

4 Basɛ ti pɔɣedire tara na’asegɔ nɛra woo nɛŋan, da basɛ ya ti pɔɣedire gɔregɔ la tara dɛɣerɔ se’ere n sɔi la, Naayinɛ wan gãkɛ yalumdoma la pɔɣedisa’aŋɔdoma. 5 Da nɔŋɛ ya ligeri ya vom poan ge basɛ ti sɛla ti ya tara la seke ya. Se’ere n sɔi la, a yeti: “Mam kan malum basɛ hɔ, n me kan malum zaɣesɛ hɔ.” 6 La wan eŋɛ se’em ti to ta’an nyɛ sukpe’ene ge yeti: “Yehowa n de mam soŋera; Mam kan zɔta dabeem. Asaala wan ta’an eŋɛ mam la bem?” 7 Tɛra ya sɛba n boi ya nɛŋa la ge me daa tɔɣɛ Naayinɛ yelesum bo ya la, ya san ti’isa taɣesa ba tari sarumsoŋɔ se’em la, ya tɔɣesa ba sakerɛ. 16 Leyɛ’ɛsa, da makɛ tamɛ ti ya tuna som bɔ’ɔra taaba ge me tɔ̃rɛ lɔɣese’a ti ya tara la bɔ’ɔra nɛreba. Se’ere n sɔi la, bala dela bo’olum n basɛ ti Naayinɛ puurɛ pɛɛra. 17 Nani ya sɛba n boi ya nɛŋa la ge siregera yamea bɔ’ɔra ba, se’ere n sɔi la ba kɔ’ɔn bisera ya mɛ wuu sɛba n wan ta eŋɛ kãlɛ bo, la wan eŋɛ se’em ti ba ta’an tuna wana la nyɛɛma ge kan si’ina, se’ere n sɔi la wana wan dekɛ daaŋɔ paɛ ya. 18 Kɔ’ɔn zuseri ya bɔ’ɔra tɔ se’ere n sɔi la, to mi ti to tari putɛkeeŋa n ani soŋa mɛ, wuu tomam n boti to tara yelemɛŋɛrɛ yelese’ere woo poan la.