1 Yelebiŋ’a

17 Se’em ma’a ti David daa pɔsɛ kɛ̃’ɛra amea yire la, a daa yele nɔdɛ’ɛsa Natan yeti: “Mam kɛ̃’ɛri la dɔmɔlɔ yire poan ge Yehowa nɔbiŋere daka la zɛ la tɛnti deo poan.” 2 Ti Natan lebese David yeti: “Eŋɛ sɛla n boi ho suuren ge yelemɛŋɛrɛ Naayinɛ la boi me la ho.” 7 “Tɔɣɛ yele dena bo mam yameŋa David, ‘Pɛɛntɛɛreba Naayinɛ n yele se’em n wana: “Mam n yese ho yaama zɛ’ɛsi la ti ho da le dɔla dusi la ge ho dɛna mam nɛreba Israedoma la nɛŋadaana. 16 Bala ti Naba David wa’ana zĩ’ire Yehowa nɛŋan ge yeti: “O Yehowa Naayinɛ, mam dela ani? Ge ti mam yire dela deni ti ho zɛnkɛ mam paɛ wana wa? 17 O Naayinɛ, wana za’a pooren la, ho le tɔɣɛ sɛla n wan wa’an ho yameŋa yire zuo beere sa’am mɛ ge geele mam ti n dela nɛra n nari na’asegɔ zo’e zo’e, O Yehowa Naayinɛ. 18 Ho mi ho yameŋa soŋa soŋa mɛ, bem ti ho yameŋa David wan le yele pa’asɛ la hon na’asɛ mam se’em wa?