Bem N De Yelesoma La?

1. Bem yelesoma n ze’ele Naayinɛ ze’an na?

Naayinɛ boti la nɛreba tara pupeelum teŋgɔŋɔ wa zuo. Naayinɛ n nɔŋɛ asaaleba la zuo n sɔi ti a naam teŋgɔŋɔ wa la sɛla woo n boi bim. La kan yue a wan basɛ ti nɛra woo zi’irigo ze’an ana soŋa. A wan yese namesegɔ woo n paare asaala basɛ.​—Kaalɛ Yeremia 29:11.

Gɔmɛt ka boi n tabelɛ yese gbiregere, bã’ãsi la kum basɛ. Ge yelesoma boi. La gee fii, Naayinɛ na’am la wan tee soe asaala gɔmɛt za’a bisa. Na’am la poan nɛreba wan tara suma’asum la ima’asum.​—Kaalɛ Isaiah 25:8; 33:24; Daniel 2:44.

2. Beni n sɔi ti yelesoma la dɛna a tɔtɔ yele?

Naayinɛ san yese tunfɛ’ɛsadoma basɛ namesegɔ kanle bɔna. (Zepania 2:3) La wan dɛna la daandene? Naayinɛ Yetɔɣum la pu’ulumbiŋɛ yelese’a n daana asaala nananawa. Yelese’a n iti zina wa pa’alɛ ti Naayinɛ tɛm la pɔri mɛ.​—Kaalɛ 2 Timoti 3:1-5.

3. Bem n nari ti to eŋɛ?

La nari ti to zamesɛ Baabule la baŋɛ Naayinɛ soŋa. Ku ani wuu gɔŋɔ ti sɔ n nɔŋɛ a dayɔa gulesɛ boi en. Ku pa’alɛ to wan eŋɛ se’em ti to vom ana soŋa nananawa la to wan beere nyɛ daarewoo nyɔvore se’em teŋgɔŋɔ wa zuo. Yelemɛŋɛrɛ, basɛba kan bɔta ti ho bɔkɛ Baabule la soŋa. Ge beere ­sa’am bɔnsoŋa wa dela sɛla n ka nari ti la piɛ to.​—Kaalɛ Magaha 29:25; Liligere 14:6, 7.