Mɔ’ɛ Nini Pa’alɛ Yezu N De Mina Mɔpi

To san pa’alɛ nɛreba Yezu n de mina mɔpi la ninmɔ’ɔrɛ to puurɛ wan pee. Yezu n de to sakerɛ la ɛberɛ kugere. (Epe. 2:20) San daɣena eŋa, to kan tari ni beere sa’am puti’irɛ. (Tooma 4:12) Bala la, la dela ninmɔ’ɔrɛ ti to za’a waabi tara na’asegɔ bɔ’ɔra Yezu la Naayinɛ n tari en tuna tuuma se’em la. Pumpɔreŋɔ pa’alegɔ la basɛ ti nɛreba zo’e zo’e ka mina yelemɛŋɛrɛ la. Nimbɔ’ɔ la dela, ba kan nyɛ Naayinɛ n pu’ulumbiŋe ti a eŋɛ sɛla beere sa’am bo sɛba n tari sakerɛ bɔ’ɔra Yezu la. To nini n mɔ’ɛ la yelemɛŋɛrɛ la se’em la, wan basɛ ti to soŋɛ putɛsonɛdoma ti ba baŋɛ Yezu n de mina, eŋa la Naayinɛ n ani se’em la Naayinɛ n tari en tuna tuuma se’em. Tiirɛ Dia tɛm wa, ho wan mɔ’ɛ nini pa’alɛ nɛreba Yezu n de mina mɔpi?