Ho Wan Nyaŋɛ Keŋɛ Ta Tum Zɛ’an Ti Ba Ka Pu Bo Tansugere?

Hon tabelɛ nyɛ yɔ’ɔ keŋɛ ta mɔɔlɛ yelesoma la bo nɛreba zɛ’an ti ba ka pu bo tansugere? Yuun se’ere n tole la, na’am mɔɔlegɔdoma 747 nyaŋɛ keŋɛ zɛ’an ti ba ka pu bo tansugere ta mɔɔlɛ zɛ’ɛsi 477 poan. To pɔsɛ 2015 na’am tuuma yuunɛ la, teŋkara la teŋbisi 8,000 ti to bɔta ti yelesoma la paɛ. Ho wan nyaŋɛ soŋɛ?

Tansugere woo daa to’e December 1, 2014 gɔŋɔ la ti ba pa’alɛ to wan eŋɛ se’em nyaŋɛ soŋɛ ti yelesoma la paɛ zɛ’ɛsi a se’a. Ho san wan nyaŋɛ keŋɛ zɛsena wa ta mɔɔlɛ yelesoma la, nyɛ keendoma la ti ba pa’alɛ hɔ ge da gu’um. Zɛse’esi n nari soŋerɛ dela Brong Ahafo, Northern, Upper East, Upper West la Volta sɔ’ɔlum.

Na’am mɔɔlegɔdoma 2 ta paɛ 20 ta’an gulesɛ gɔŋɔ bo tigere yile la ti ba pa’alɛ ba zɛ’an ti ba wan keŋɛ. Ba san pa’alɛ ya zɛ’an wa, ya kan tum gaŋɛ ŋmaresi sitã. Ho san dekɛ ho “lif” bii sukuu kɔma basega saŋa la ta mɔɔlɛ yelesoma la, ho kan malum tamɛ la yele ho zi’irego poan. To san dekɛ to tɛm keŋɛ ta tum zɛ’an ti ba ka pu bo tansugere to wan nyaŋɛ soŋɛ sɛba n boti yelemɛŋɛrɛ la, hali ba san puɣum zaɛ la se’em me, ti ba wa’ana pa’asɛ to poan ti to pɛɣɛ Yehowa. Ho wan nyɛ nyuurɔ zo’e zo’e ho san nyaŋɛ soŋɛ!​—Pa’a. 11:6; Isa. 54:13.