Na’am Mɔɔlegɔ Yɛla

Mabiisi 45,885 daa keŋɛ laɣesegɔ n boi de to’ore February 15, 2015 ta kelese yetɔɣum zuo n de “Naayinɛ Boti La To Ŋmibera” ti to mabia daa ze’ele tigere zuo bisegadoma nataka la daa bo.

Sɛba n daa boi Accra Laɣesegɔ Deo la poan daa dela 9,338 ti to mabiisi basɛba me daa kelese yetɔɣum wa zɛ’ɛsi a se’a poan doose vidiyo poan. Mabiisi 28,220 n daa kelese yetɔɣum wa laɣesegɔ zɛ’ɛsi siyopɔi poan ge ti 8,327 me daa bɔna Na’am Pu’usegɔ Deto 31 poan. To pɔsega n wana ti to mabiisi zo’e zo’e nyaŋɛ nyɛ yɔ’ɔ laɣesɛ Na’am Pu’usegɔ Deto poan Ghana wa, kelese yetɔɣum n boi de to’ore doose vidiyo poan. Yehowa tigere la doli la magazim mi’ilum poan tuna yelenyalema, laɣesa nɛreba ti ba tara ‘nɔyinɛ wuu piisi n laɣesɛ . . . zɔŋɔ deyina poan.’​—Mik. 2:12.